হন্দক মনিপুরদা নোং কা হেন্না, চয়োল অমা হেন্না হৈথরকখিবদগী মরূওইবা তুরেলশিংগী লৌনম্বাল কয়ামরুম কায়বা, কয়া অমনা লৌনম্বাল পাথোক্তুনা ঈশীঙ চেন্সীল্লকপদগী মী তাবা খুঙ্গং ৭০০ লোম হেন্না ঈশীঙ থূমজীনখিবদগী য়ূম কয়ামরুম ঈরোন্নূংদা লৈখিবগা লোয়ননা মীওই ১,৬৪,৮৯০ রোম ঈচাও অসীনা শোকহনখ্রে। তোঙান তোঙানবা রিলিফ কেম্পশিংদা হৌজিক ময়ূম- মকৈ লৈতদুনা রিলিফ কেম্প ৮০ রোমদা চঙজফম লৌদূনা লৈনরি।
কোর্দিনেটিং কম্মিটি ওন মনিপুর ইন্টিগ্ৰিটি(কোকোমি) না রাম ক্রিষ্ণ মিসন ইম্ফালগা খূৎশম্নরগা তোঙান তোঙানবা মফমদা হাংদোক্লিবা রিলিফ কেম্পশিংদা চঙজফম লৌদূনা লৈরিবা মীয়ামদা চান্ন- থক্ননবা পোৎলম কয়ামরুম য়েন্থোকখ্রে। ইম্ফাল ইষ্ট দিষ্ট্রিক্টকি খূরায় লাইরিকয়েংবম মখা মনীঙ লৈকায়দা লৈবা কম্যুনিটি হোলদা হাংবা রিলিফ কেম্প তা লৈবা ঈমূঙ ৪০ গী মীওই ১৫০ রোমদা কোকোমিগী থৌমীশিংনা চান্ন- থক্ননবা পোৎলম কয়ামরুম য়েন্থোকখি। খূরায় সাজোর লৈকায়দা লৈবা নেটাজি ক্লবতা হাংবা রিলিফ কেম্প তা চঙজফম লৌদূনা লৈরিবা খূরায় লাইশ্রম লৈকায়, সাজোর লৈকায়, চিঙাঙবম লৈকায়, নিংথৌজম লৈকায় নচিংবগী ঈচাও মায়োক্নরবা মীয়ামদসু চান্ন- থক্ননবা পোৎলম কয়ামরুম পীরমখি।
মশীগী মথক্তা কোকোমি গী থৌমীশিংনা পাঙ্গৈ হাওতাবি রিলিফ কেম্প, ৱাঙ্খৈ পুজা লম্পাক রিলিফ কেম্প অমসুং অতৈ মফমশিংদা হাংদোক্লিবা রিলিফ কেম্পশিংদা কোয়না চত্তুনা চান্ন- থক্ননবা পোৎলম কয়ামরুম য়েন্থোকখি।
You may also like
-
নেস্নেল হায়ৱেশিংদা মনীঙ তম্না মীয়াম্না চত্থোক-চৎশীন তৌবা ঙমহন্নবা মনিপুর হায় কোর্ট তা মালেম্না ৱাকৎখ্রে
-
আই দি পিশিংনা ময়ূমদা হঞ্জিঞ্জরগে হায়বদা অথীংবা পীরিবসি কনাননো থিগৎপা তঙায় ফদ্রে: খেমচান্দ
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর