চৎলিবা মে থা অসীগী নিংথৌকাবা নুমীৎ কালেনগী ১৫ নি পানবদা নিংথৌ লৈশেম্বা সনাজাওবনা লুচিংদুনা, চহী খূদীঙগী কায়দনা কালেনগী ১৫ নি পানবদা পাঙথোক্তুনা লাক্লিবা ঈবূধৌ নোংদা লাইরেন পাখঙবগী সনা কোনুংদা লৈরিবা লাইমাংদা চেঙ হোঙবগী থৌরম পাঙথোকখ্রে।
ককচীঙ মনাক্তা লৈরিবা লায়নীঙথৌ নোংশাবা অমসুং ঈবেন্ধৌ থোংনাং লোইচাখোম্বী অনীদসু অঙোম নিংথৌনা লুচিংদুনা চেঙ হোঙবগী থৌরম পাঙথোকখি। পাখঙববু পাউনম হিদেন্দগী ঈকৌদুনা লৈবাক চাহোঙ-ঙাহোঙননবা থৌরমসু পাঙথোকখি।
লৈশেম্বগী মতমদা চাউনা থৌদাং লৌখিবা লায়নিংথৌ নোংশাবগী মফমদা নিংথৌ খাগেম্বগী মতমদগী থৌনিজদুনা লাক্লিবনি। কালেনগী ১৫ নি পানবা নুমীৎ খূদীঙগী লায়নীঙথৌ নোংশাবা অমসুং ঈবেনধৌ থোংনাং লোইচাখোম্বী অনীগী মফমদা চেঙ হোঙদুনা ঈরাৎ-থৌনিদুনা লাক্লিবা অদূ ঙসীফাওবা মৈনা ৱায়, তাংনা শম তৌদুনা লাক্লিবনি।