মনিপুর পুলিস অমসুং সেন্ট্রেল সেক্যুরিটি ফোর্সকি অপূনবা কম্বাইন্ড টিম্না চত্থখিবা সর্স ওপরেসন্দা চুরাচান্দপুর দিষ্ট্রিক্টকি মনূঙচন্না লৈবা খোমুনুৱাম ভিল্লেজদগী য়াম্লবা খূৎশু খূৎলায়শিং ফাগৎপা ঙমখ্রে। ফাগৎলবা খূৎলায়শিং অদুগী মনূঙদা ৭.৬৫ এম এমগী পিষ্টোল অমা, নাইন এম এমগী পিষ্টোল অমা, সিঙ্গল বেরেল নোংমৈ অমা, হেন্দ গ্ৰেনেদ ৩, পোম্পি অনী, ট্যার স্মোক সেল অনী অমসুং মখল মখা কয়ামরুমগী অতৈ খূৎশু-খূৎলায়শিংনি হায়রি।
নাকল অমরোমদনা, থৌবাল দিষ্ট্রিক্টকি খোংজোম পুলিশ ষ্টেসন মনূঙচন্না লৈবা ধাকা ব্রিক ফীল্ড মনাক্তগী দিষ্ট্রিক্ট অসীগী পুলিসনা চত্থখিবা ওপরেসন্দা মীয়াম অমসুং লৈঙাক্কি ওফিসিয়েল কয়াদগী কিহন-খংহন্দুনা, নম-হাদুনা শেল খোমগৎপদা চেন্নবনি হায়বা কে সি পি পিপলস ৱার গ্ৰুপকি এক্তিব কাদর অমা ফাগৎপা ঙমখ্রে। মহাক্কি মমীংনা নারেংবম গোবিন্দ কৌই, ৱাংজিং লমদিং অৱাং লৈবনি হায়রি।
নাকল অমরোমদা, মনিপুর পুলিসনা থিবা-হূম্বগী থবক চত্থবদা মন্ট্রিপুখ্রি মেরিলেন্দ গী ভারাদা লৈবা য়ূম অমদগী অশৈবম গোপেন (৪৩) কৌবা অন্দ্রো মখা লৈকায়দগী কে সি পি, পি দব্লিয়ু জিগী কাদর অমগা লূপ অসীমক্কি লাইশ্রম সনামচা(৪৫) কৌবা, সিনাম মনীঙ লৈকায়দগী মীওই অমগা ফাগৎপা ঙমখ্রে হায়রি।মখোয়গী মথক্তা আইনগী থবক লৌখৎপা হৌখ্রে।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি