ইন্তরনেস্নেল্ মাদর্স দে থৌরমগা মরী লৈননা চনূরা লমচীঙলেন কংলৈপাক (সি এল কে) না শীন্দুনা চৎলিবা মে থা অসীগী অনীশুবা নোংমাইজিং নুমিৎ, মে ১১ দা লমদম অসীগী মমা ওইবিশিংগী য়ূমথোঙ-য়ূমথোঙদা চত্তুনা খূদোলপোৎ পীবগী থৌরম পাঙথোকখ্রে।
লূপ অসীগী প্রসিদেন্ট পাকপীগী শগোলবন্দ থাংজম লৈরক্তা লৈবা য়ূমদা মেম্বরশিং চত্তুনা লমদম অসীগী মমা ওইবী কয়াগী মফমদা ইন্টরনেস্নেল মাদর্স দে থৌরমগা মরী লৈননা খূদোলপোৎশিং তমদূনা ঈকায়খুম্নবা উৎখিবনি। কংলৈ ঈমা লূপকি প্রসিদেন্ট আর কে সনাহনবী য়াওনা লমদম অসীগী থবক-থৌরম কয়াদা মাঙজীল থাদুনা থবক তৌরিবি ঈমাশিংদা খূদোলপোৎ পীদূনা নুংশিবা অমসুং ঈকায়খুম্নবা ঊৎখি।
ইন্টরনেস্নেল মাদর্স দে অসী অহানবা ওইনা হৌদোকখিবগী লমজীঙ মৈরাদি কুমশিং ১৯০৮ দা অন্না জর্বিসনা মহাক্কি লৈখিদ্রবী অপোকপি মমাগী মফমদা ঈকায়খুম্নবা ঊত্তুনা খূদোলপোৎ তমখিবা অদূনি। মদূগী মতূঙ চহী খরা লৈরগা অমেরিকাগী প্রসিদেন্ট ৱুদ্রো ৱিলসন্না চহী খূদিংগী মে থাগী অনীশুবা নোংমাইজিং নুমিৎ অসী ইন্টর্নেস্নেল মাদর্স দে থৌরম পাঙথোক্ননবা ৱাফম লাউথোকখিবদগী ঙসিফাওবা থৌরম অসী পাঙথোক্তুনা লাক্লিবনি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি