মনিপুরগী হীংশাগী ঈরাং অসী থোকখিবা চহী অনী মপূঙ ফারকপগা মরী লৈননা মীয়ামগী ওইবা কনভেন্সন অমা পাঙথোক্ননবা শেম- শাবা পূম্নমক লোইরে হায়না কম্মিটি ওন মনিপুর ইন্টিগ্ৰিটি (কোকোমি) গী কো-কনভিনর ৱাই কে ধিরেন্না ফোঙদোকখ্রে।
ঙরাং লম্ফেলদা লৈবা কোকোমিগী লোয়শঙদা পাউমীশিংগা উনখিবা অমদা মহাক্না ৱাফম অসী ফোঙদোকখিবনি। মে অহুম, নুমিৎ অসিদা মীয়াম্না শিন্থা লেপ্পিয়ু, মীয়ামগী ওইবা মীফম অসিদা শরুক য়াবিয়ু, হরাও কুমহৈ অমত্তা পাঙথোকপিগনু হায়বা আপিলসু মহাক্না তৌখি। পিপলস কনভেন্সন পাঙথোক্কদৌরিবা অসীগী য়েংলগা ঙসী মে অহুমগী ওইনা লম্বীদা গারীশিং চত্থোক- চৎশীন তৌবদা অহোংবা খরা লৈরগনি হায়নসু ধিরেন্না ফোঙদোকখ্রে।
লম্লাই, পুখাউ, সগোলমাঙ, য়াইঙংপোকপীরোমদগী লাকপা গারীশিংনা খূরায়-লম্লোঙথোং লাল্লক্লগা ৯ শুবা আই আর বি তাবা লম্বীরোমদা লাক্লবা মতূঙদা খুমন লম্পাক মেইন ষ্টেদিয়ম গেটতা পার্ক তৌগনি। থৌবাল মায়কৈরোমদগী লাকপা গারীশিংনা শীংজমৈ থোং লাল্লক্লগা কোংবা লম্বীদা লাক্তুনা লম্লোংথোং দা চঙলক্ক নি। মদুগী তুংদা ৯ শুবা আই আর বি রোমদা লাক্লগা মেইন ষ্টেদিয়ম গেটতা পার্ক তৌগনি। বিষ্ণুপুর মায়কৈরোমদগী লাকপা গারীশিংনা খোংনাং অনী কারক্লোমদা লাক্কনি। দিঙ্কু রোদতা লাক্লগা খুমন লম্পাক মেইন ষ্টেদিয়ম গেটতা পার্ক তৌগনি হায়না ধিরেন্না মখাতানা ফোঙদোকখি।