লৈবাক অসীগী চিফ অব আর্মি ষ্টাফ ওইনা লৈরিবা জেনরেল উপেন্দ্র দ্বিবেদী চৎলিবা থা অসীগী ২৪ দা নুমিৎ মরিনিগী ওফিসিয়েল খোঙচত্তা ফ্রান্সতা থুংখ্রে। পাউগী লীখুল অমগী মতুঙ ইন্না, মহাক্কি খোঙচৎ অসিনা ফ্রান্স অমসুং ইন্দিয়া লৈবাক অনীগী মরক্তা মিলিটরি দিফেন্সকা মরী লৈনবা হীরমশিংদা হেন্না তেঙবাংনবগী মরী চেৎশিলহল্লগনি হায়রি। মহৌশাদগী লৈবাক অনীগী মরক্তা মিলিটরি দিফেন্স অমসুং অতৈ হীরম কয়াদা মতেঙ পাংনদুনা নকশীন্নবা মরূপ মপাং ওইবগী মরী থমদুনা লাক্লিবনি।
লৈবাক অনীগী মিলিটরি না অনৌবা, মতমগা চানবা দিফেন্স কি খূৎশু-খূৎলায়শিং শীজিন্নদুনা পূন্না লান ঔরাইমিন্ননবা পান্দমশিং থম্লিবনি। মহাক্না ফ্রান্স তা থা অসীগী ২৭ ফাওবা লৈদুনা লৈবাক অদূগী তোঙান তোঙানবা মিলিটরি লুচিংবশিংগা উনদুনা লৈবাক অনীগী দিফেন্সকি হীরমশিংদা হেন্না তেঙবাংনবগী মতাংদা ৱাফম কয়ামরুম খন্ন-নৈনরক্কনি হায়রি।
মহাক্না ফ্রান্সতা লৈরিবা তোঙান তোঙানবা মিলিটরি ইন্সটিট্যুসনশিংদসু কোয়না চত্তুনা য়েংমিন্নরক্কনি হায়না পাউ অসিনা খঙহল্লক্লি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে