চুরাচান্দপুর দিষ্ট্রিক্ট কি সাইটু সব-দিবিজনগী এস দি ও/বি দি ও গী মীৎয়েং মখাদা সব-দিবিজন অসীগী মনূঙদা লৈরিবা সাইকোৎ এরিয়াদা সেবা সেটু অভিয়ান গী থৌরম অমা ঙরাং পাঙথোকখ্রে। থৌরম অদূ সেবা সঙ্কল্প আভিয়ান ২০২৬ কি মনূঙচন্না পাঙথোকপনি। সাইকোৎ কম্যুনিটি হোলদা পাঙথোকখিবা থৌরম অদুদা এস দি ও সাইকোৎ সব-দিবিজন, আলফ্রেদ জে খৌটে, এম সি এস না মোনিটর তৌখি। খ্বাইদগী মনূঙ হঞ্জিন্না লৈখ্রবা, লৈঙাক্কি ৱেলফেয়র স্কিমশিং ফংবা য়ারবা বেনিফিসরিশিংদা মপূঙফানা খুদোংচাবা ফংহন্নবা পান্দমদা থৌরমদু পাঙথোকখিবনি। মীয়াম্না মখোয়গী মথৌ তাবা দোক্যুমেন্টশিং তোঙান তোঙানবা লোয়শঙশিংদগী তান্নবদা অৱাবা, খুদোংচাদবা কয়ামরুম মায়োক্নরিবা অদূ, থৌরম মফমদুমক্তদা দোক্যুমেন্টশীং য়েন্থোক্তুনা মীয়ামগী অৱাবা কোকহনখি। এপ্লিকেসনশিং ভেরিফাই তৌবা, মথৌ তাবা চে-চাং, দোক্যুমেন্টশীং মরী লৈনবা বেনিফিসরিশিংদা ফংহনবা,স্কিম কয়ামরূমগী মখাদা লৈরিবা বেনিফিটশিং য়েন্থোকপগা লোয়ননা সেন্টর অমসুং ষ্টেট লৈঙাক্কি তোঙান তোঙানবা ফ্লেগসিপ প্রোগ্ৰামশিং মীয়ামদা খঙহনবনা থৌরম অদূগী মপূঙ ওইবা শক্তম ওইখি।লাইন দিপার্টমেন্ট শিংনা থৌরমদুদা শরূক য়াখিবা বেনিফিসরি ২৬৫ দা বেনিফিট অমসুং সার্বিস পীখি।
