অসাম পুলিশ এক্ট ১৮৬১ গী সেক্সন ১৭ অমসুং ১৮ গী মতূঙ ইন্না এঙ্গেজ তৌরিবা অমসুং অহিঙ-নুংথিল নাইদনা লো এন্দ ওর্দর ঙাক্ননবা হোৎনবদা মনিপুর পুলিস পার্সনেলশিংদগী করিসু তাদনা মথৌ পাঙথোক্লিবা ভিল্লেজ দিফেন্স ফোর্স (ভি দি এফ) পার্সনেলশিংগী জানুয়ারি থাগী তলব হৌজিক ফাওবা পীথোকপিদবনা মরম ওইরগা ঈমূঙ মনুংগী অৱাবা কয়া মায়োক্নরকপগা লোয়ননা মচা-মশূশিংগী মহৈ-মশিন তম্ননবগী এদমিসন তৌবা, স্কুলগী ট্যুসন ফী পীথোকপা ঙমদবা য়াওনরকপগী মথক্তা চরা ফাওবা হেল্লকপগী ফীভমশিং মায়োক্নরক্লে হায়রি।
মনিপুরদা হৌজিক লৈরিবা ভি দি এফ মশীঙ অসী অপূনবগী ওইনা ১০,০৫০ নি অদূগা মখোয়না থা অমদা ফংলিবা তলপকি শেনফম্না পার্সনেল অমনা সূপ্নগী লূপা ১০,৫০০ নি হায়রি। পুলিস এক্ট ১৮৬১ অসিগী সেক্সন ১৮ গী মতূঙ ইন্না ভি দি এফশিং অসিসু পৱার, ভিল্লেজ দিফেন্স অমসুং রেস্পোন্সিবিলিটিদা পুলিস পার্সনেলশিংগা চপ মান্নহল্লিবনি।
অদূম্নদি ওইরগা পুলিস পার্সনেলশিংনা ফংলিবা নিংথমথাগী জেকেট, গরম শার্ট, খোঙূপ বুট, য়ুনিফোর্মনচিংবগী খুদোংচাবদি পীবিদ্রি হায়না পেন্দবা ফোঙদোক্নরক্লি। মখোয়গী সার্বিস প্রোটেক্সন পীবিয়ু, রিগ্যুলরাইজেসন পোলিসি থম্বিয়ু অদুগা কন্ট্রেক্ট এমপ্লোয়ি অমগী থাক্তা অপগ্ৰেদ তৌবিফম থোকপনি হায়রক্লি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে