ঙরাং মনিপুর পুলিশ অমসুং সেন্ট্রেল সেক্যুরিটি ফোর্স কি অপূনবা সেক্যুরিটি টিম্না চুরাচান্দপুর দিষ্ট্রিক্ট মনূংচন্না হেংলেপ পুলিশ ষ্টেসনগী জুরিসদিক্সন মখাদা লৈবা লোইলমকোৎ অমসুং নালোন এরিয়াশিংদা সর্স ওপরেসন চত্থবদা শকখঙদবশিংনা লোৎশীন্দুনা থম্লম্বা য়াম্লবা খূৎশু-খূৎলায় কয়ামরুম ফাগৎপা ঙমখ্রে।
লোৎশীন্দুনা থম্লম্বা য়াম্লবা খূৎলায়শিং অদুদি, রোকেট ( আই ই দি) ৬ য়াওনা লোঞ্চর ১,কন্ট্রিমেদ মোর্টার (পোম্পি) ১, পোইন্ট ৭.৬২ গী স্নাইপর মরূ ১,স্নাইপর রাইফলগী মেগজিন ১, টিয়র স্মোক সেল (সোর্ট রেঞ্জ) ৩, টিয়র স্মোক সেল (সি এস) ৪, টিয়র স্মোক সেল (নোর্মেল) ২, রব্বর বুল্লেট ১, আই ঈ দি সেল ৩, হেলমেট ৩, ফাইবর প্লেট অমগা লোয়ননা বি পি জেকেট ৩ সু মফমশিং অদুদগী কম্বাইন্দ সেক্যুরিটি টিম অদূনা ফাগৎপা ঙমখি।
ফাগৎলবা খূৎলায়শিং অদূ মখাতাবা আইনগী ওইবা থবক লৌখৎনবা মরী লৈনবা পুলিশ ষ্টেসন্দা শিন্নখ্রে হায়রক্লি।কম্বাইন্ড সেক্যুরিটি টিমশিংনা মনিপুরগী চীঙ অমসুং মনাক নকপা চীঙগা তাইননা লৈরিবা তম্পাক্কি এরিয়াশিংদা নোংমা কাংদনা সর্স ওপরেসন অমসুং এরিয়া দোমিনেসনগী থবকশিং পায়খত্তুনা মশীঙ য়াম্লবা খূৎশু-খূৎলায় কয়া লেপ্তনা ফাগৎলক্লি। মখাতানা অসীগুম্বা ওপরেসন মথঙ-মথঙ চত্থবগা লোয়ননা মনিপুরদা থোক্লিবা হীঙশাগী ঈরাং অসী লোইশিলহন্ননবা হোৎনখিগনি হায়না মনিপুর পুলিসকি মায়কৈদগী ফোঙদোরক্লি।