মনিপুরনা ইন্দিয়াগী মপূঙফাবা ষ্টেট অমা ওইরকখিবা নুমিৎ কুমশিং ১৯৭২ গী জানুয়ারি ২১ অসী চহী খূদিংগী ষ্টেটহুদ দে হায়না খঙনদুনা থৌরম পাঙথোক্তুনা লাক্লি। হৌখিবা জানুয়ারি ২১ দসু ষ্টেট লৈঙাক্না শীন্দুনা ইম্ফালদা লৈরিবা অহানবা মনিপুর রাইফলসকি পেরেদ গ্ৰাউন্দ দা চিফ মিনিষ্টর নোংথোম্বম বিরেন্না অথোয়বা মীথূংলেন ওইদুনা ষ্টেটহুদ দে থৌরম পাঙথোকখি। থৌরম অসীগা মরী লৈননা মনিপুরগী মীয়ামদা প্রাইম মিনিষ্টর নরেন্দ্র মোদিনা য়াইফা পাউজেল পীরক্লি। ষ্টেটহুদ দে থৌরম অসী ত্রিপুরা অমসুং মেঘালয়াগী ওইনসু চপ মান্ননা নুমীৎ অমত্তদা, জানুয়ারি ২১ দা চহী খূদিংগী পাঙথোক্লিবা মরম্না ষ্টেট অহূম অসীগী মীয়ামদা প্রাইম মিনিষ্টরনা য়াইফা পাউজেল পীরকখি।
সোসিয়েল মেদিয়াগী মাইক্রো ব্লোগিং সাইট অমা ওইরিবা এক্স তা পীরকখিবা মহাক্কি য়াইফা পাউজেল অমদা প্রাইম মিনিষ্টর নরেন্দ্র মোদিনা হায়, ইন্দিয়াগী চাওখৎ খোঙথাঙদা মনিপুরনা লৌরক্লিবা থৌদাং চাউথোকচনিঙায়নি। মনিপুরগী মীয়ামদা য়াইফা পাউজেল অসী পীজরি হায়খি।
মহাককি য়াইফা পাউজেল অদুদা থা ২১ শুজিল্লক্লবা মনিপুরগী ঈরাঙ অসীগী মতাংদদি ৱাফম অমত্তা প্রাইম মিনিষ্টরনা ফোঙদোরকপা লৈখিদে। মরম অসিনা মনিপুরগী মীয়ামগী পূক্নিং ৱাখলদা মহাক্কি য়াইফা পাউজেল অদুগী মতাঙদা পেন্নদবা খরদি লৈনখি। অদূম ওইনমক ষ্টেটহুদ দে থৌরমদা পীরকখিবা য়াইফা পাউজেল অদু থাগৎনিঙায় ওই হায়না মীয়াম্না ফোঙদোক্নরকপসু লৈরি।
You may also like
-
এম এল এগী ইজ্জৎ শোকপা ৱাফম থম্লকপগী মায়োক্তা মীয়াম্না পেন্দবা ফোঙদোকখ্রে
-
আই দি পিশিং মহৌশাগী ময়ূমদা হঞ্জিলহনবিরো : কুল্লা মঙাং
-
ৱার্ল্ড রেবিজ ডে থৌরম পাঙথোকখ্রে
-
সি ই সি গী মায়োক্তা কংগ্ৰেসকি খোঙজঙ কন্সীনখ্রে, ইফিজি মৈ থাদুনা প্রোটেষ্ট তৌখ্রে
-
কংলাদা সি ঐচ ঐচ সি আই হৌদোক্তুনা শীৎ-শেংবগী থবক পায়খৎখ্রে