তদুবি কেন্দ্রগী এম এল এ শ্রি এন কাইসো মশাগী অনাবা অমনা মরম ওইদুনা হৌখিবা জানুয়ারি ১৮,থাংজা নুমিৎকি নুংথিল পূঙ ১.৩০ রোম তাবদা তাইবংপান থাদোকখ্রে। মহাক মতম খরা মশাগী অনাবা অমা লোয়নদুনা লম্ফেলদা লৈবা মহাক্কি ওফিসিয়েল রেসিদেন্সতা লৈরকখিবনি। মহাক ৪৯- তদুবি এসেমব্লি কন্সটিট্যুয়েন্সিদগী কুমশিং ২০১৭ অমসুং ২০২২ দা অনীরক হন্না এসেমব্লি মীখলদা মায় পাক্লক্তুনা কেন্দ্র অসীগী মীহুৎ অমা ওইনা মীয়ামগী মরুওইবা থৌগাই কয়ামরুম পুদুনা লাকখিবা লুচিংবা অমনি।
এন পি পিগী টিকেট্টা টার্ম অনীরক থংন-থংননা মীখলদা মায় পাক্লক্তুনা পার্টি অসীগী মনিপুর ষ্টেট য়ুনিটকি প্রসিদেন্ট ওইনসু থৌ পুরম্বা এম এল এ অসী মশাগী চহী ৫৯ শুখ্রে। মহাক সেনাপটি দিষ্ট্রিক্ট কি মখান খূমন ভিল্লেজদগীনি।
লুচিংবা অসীনা খঙহৌদনা লৈখিদবা অসী তদুবী কেন্দ্রখক্কি নত্তনা মনিপুর মীয়ামগীসু মতম কুইনা মেনখৎপা ঙম্লরোইদবা মাঙজবা অমনি হায়না মায়কৈ কয়াদগী অৱাবা ফোঙদোক্নরক্লি। মহাক্না লৈখিদবদা মনিপুরগী পোলিটিসিয়ানশিং অমসুং সিভিল সোসাইটিগী লুচিংবা কয়ানা অৱাবা ফোঙদোক্নরক্লি।