ট্রাইবেল য়ূথ কাউন্সিল মনিপুর জেনরেল হেদ ক্বার্টর্স কি ভল্লন্টিয়রশিংনা মতম শাংনা ওফিস হাংদনা লৈরকপদগী ফঙ্কসন তৌদনা লৈরক্লবা ট্রাইবেল রিছর্স ইন্সটিট্যুট (টি আর আই) মতম কক্তনা অথীংবা থম্লে হায়না লাউথোকখিবগা লোয়ননা খূদক্তগী ছো লোন্সীনখ্রে।
ইম্ফালগী চীঙমৈরোংদা লৈরিবা ইন্সটিটিউট অসীগী দিরেক্তর য়াওনা কনাগুম্বা ষ্টাফ অমত্তা কাদনা, ওফিস কি থোঙ ছো লোন্সিন্দুনা লৈরম্বদগী খোয়শাওনরবা ভল্লন্টিয়রশিং অদূনা ইন্সটিটিউট অসী মতম কক্তনা থিংজিনখিবনি। মশীগী দিরেক্তর অমসুং এদমিনিষ্ট্রেটিব ওফিসার কম রিছার্স ওফিসারনচিংবা অমত্তা ওফিস কারমদে হায়রি।
টি ৱাই সি এম্না মমাঙদগী হৌনা ইন্সটিটিউট অসী চাং নাইনা অমসুং নুংতিগী মতম চানা ষ্টাফশিং কারক্তুনা ওপরেট তৌননবা অদুগা ঙরাং জানুয়ারি ১৫ দগী ওফিসতা ফমদুনা নোর্মেল ফঙ্কসন হৌননবা মরী লৈনবা দিরেক্তর অমসুং অতৈ ষ্টাফশিংদা খঙহনখিবা লৈখ্রে। অদুম ওইনমক ঙরাং নুংথিল পূঙ ২.৫৭ তাবদা ভল্লন্টিয়রশিং অদূনা ইন্সটিটিউট অসীদা চৎলুবা মতমদা ওফিস থোঙ লোন্সিন্দুনা লৈরম্বা থেংনখিবনি হায়রি। ট্রাইবেল মীয়ামগী ইন্টরেষ্ট তা থবক থৌরমশিং পায়খৎলিবা ইন্সটিটিউট অসী মতম শাংনা ওফিস থোঙ ছো লোন্সিন্দুনা লৈহনবা অসীগী তেকচাক পূম্নমক মনিপুর লৈঙাক্না পুগদবনি হায়রি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে