মনিপুরদা থা ২০ মপূঙ ফাজিল্লক্লবা হীঙশাগী ঈরাঙ অসীনা মরম ওইদূনা মীয়াম খম থেংনা অৱাবা মায়োক্নরগা লৈরিঙৈ চৈরক অসীদা ষ্টেট লৈঙাক পায়রিবা বি জে পি দিস্পেন্সন অসিনা লৈঙাক্কা সস্পেন্সন ওফ ওপরেসন(সূ) চৎনরিবা কুকি লালহৌলূপ অমদা লূপা ক্রোর ৬.২৭ কি য়াম্লবা শেনফম অমা লোন্না পীথোক্লম্লে। থোক্লিবা হীঙশাগী ঈরাঙ অসী ষ্টেট বি জে পি লৈঙাক অসীনা থোকহনবনি হায়বসি থৌওং অসিনা ময়েক শেংহল্লে হায়না মনিপুর প্রদেশ কংগ্রেস কম্মিটি (এম পি সি সি) গী প্রসিদেন্ট কৈশাম মেঘচন্দ্রনা ফোঙদোকখ্রে।
চৎলিবা থা অসীগী ১১ দা ইম্ফালগী বি টি রোদতা লৈবা কংগ্রেস ভাবন্দা পাউমীশিংগা উনখিবদা মহাক্না ৱাফম অসী ফোঙদোরকখিবনি। মমাঙ চহীগী জুলাই মাপন্দা মার পিপলস কনভেন্সন (দি) হায়রিবা, লৈঙাক্কা সূ সাইন তৌনরিবা লালহৌলূপ অসিগী লাল্লৈবুং অমসুং জোসুহ কৌবা মীওই অনিগী ঐচ দি এফ সি বেঙ্ক এক্কাউন্ট শিংদা শেনফম অসী হাপখিবনি হায়না মেঘচন্দ্রনা ফোঙদোকখিবগা লোয়ননা মনিপুর গী বি জে পি লৈঙাক অসীনা হৌজিক থোক্লিবা হীঙশাগী ঈরাঙ অসী থোকহনবনি হায়বসি মসীনা ময়েক শেংহল্লে হায়খি। কুমশিং ২০২২ গী মতমদসু বি জে পি লৈঙাক অসীনা কুকি লালহৌলূপ অমদা লূপা ক্রোর ২৭.৩৮ পীথোক্লম্বা থৌদোক লৈখ্রবনি। ওদিটর জেনরেল ওফ ইন্দিয়ানসু মদূ অচুম্বনি হায়না কনফার্ম তৌরকখিবা লৈখ্রে। মদূগী মতাংদা থিগত্তুনা লৈনরিঙৈ চৈরক্তা নৌনা লূপা ক্রোর ৬.২৭ অসী পীরম্বা থেংনরকখিবনি হায়খি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে