মনিপুরদা হৌজিক মীয়াম্না চৎনরিবা অচৌবা, তুরেল মথক্তা শারিবা থোংজাঊ খরদি ঈশীঙ ঈচাও লাকপা মতমদা ঈশীঙগী লেভেল মখাদা লৈখিবদগী ঈশীঙ মরাঙ কায়না অমসুং ঈচেল লেপ্তনা মনীঙ তম্না চেন্থোকখিবা ঙমদনা লৈরি। খূদম ওইনা হন্দক ঈচাও থোকখিবা মতমদা ইম্ফাল ইষ্ট দিষ্ট্রিক্টকি খূরায় অমসুং হৈঙাঙ কেন্দ্র গী তাইনরিবা খূরায় নান্দৈবম লৈকায়দা লৈরিবা সলানথোং হায়না খঙনরিবা থোংজাউ অসী ঈশীঙগী লেভেলনা ৱাংখৎলকপদগী থোং অসীদা পন্দূনা মতম শাংনা লৈবদগী ঈশীঙ পন্থদুনা লৈখিবনা অকোয়বদা খুন্দারিবা মীয়ামদা চাউনা খুদোংচাদবা কয়া মায়োক্নহনখি।
মসি খূদিঙমক অসীদগী কোকহন্দুনা সধারন মীয়ামগী পুন্সিদা অকায়বা থোকহন্দনবা পান্দমদা ষ্টেট লৈঙাক অসীনা লূপা ক্রোর লীশীং কয়ামরুমগী প্রোজেক্ট অমগী মখাদা থবক পায়খত্তুনা সলান্থোং য়াওনা মরূওইবা থোং খরা হৌজিক হৌজিক লৈরিবা লেভেল অসীদগী য়ামদ্রবদা ফুট মরি ৱাংখৎহল্লগনি হায়না কেফ এন্দ পি দি মিনিষ্টর লৈশাংথেম সুসিন্দ্রোনা ফোঙদোকখ্রে। ঙরাং চিফ মিনিষ্টর নোংথোম্বম বিরেন্না লুচিংদুনা সলানথোংগী হৌজিক লৈরিবা ফীভম য়েংশিনবা লাকখিবা খোঙচৎ অমদা মিনিষ্টর সুসিন্দ্রোনা ৱাফম অসী ফোঙদোকখিবনি।