লিয়াংমৈ নাগা অথোরিটিনা লৈলোন ৱায়ফৈ ভিল্লেজগী খুঞ্জাশিং খুন থাদোক্তুনা চৎখিনবা অল্টিমেতম পীখ্রে

চৎলিবা জানুয়ারি থা অসীগী তরেত্তা কাংপোকপী দিষ্ট্রিক্ট কি লৈমখোং আর্মী হেদক্বার্টসতগীসু ঈরাপ লাপ্তনা লৈবা কোন্সাখুল নত্রগা কোন্সারম হায়না খঙনরিবা, লিয়াংমৈ নাগা ফূরূপনা খুন্দা- লৈতাদুনা য়েলহৌঙৈদগী লৈরক্লবা মফম অসিদা য়ূমথঙনরিবা লৈলোন ৱায়ফৈগী খুনগী কুকি- জো কাঙলূপকি খুঞ্জাশিং চঙশীল্লক্তুনা লিয়াংমৈ নাগা নূপী অমদা খূৎ থাদূনা তমথীনা ফূরম্বা অমসুং মশানা পায়বা মোবাইল ফোন ফাওবা লমহেন তুহেনবা কুকি- জো কাঙবূ অদুনা থুগায়রম্বা থৌদোক অদূগী মায়োক্তা নাগাশিংনা অকনবা প্রোটেষ্ট তৌদুনা মতম কক্তনা লম্বী থিংবা হৌখ্রে।

কোন্সাখুল লিয়াংমৈ নাগা ভিল্লেজগী খুঞ্জা মতৈ- মনাও অমনা মশাগী খুল অদূদা ময়ূম শাননবা জে সি বি নেক্তুনা য়ূমফম তেমথোকপগী থবক চত্থদুনা লৈরিঙৈ তাল্লক্তা য়ূমথঙননা লৈরিবা লৈলোন ৱায়ফৈ খুলগী কুকি ময়াম থোমজীল্লক্লগা মফমদু মখোয়গী এরিয়ানি, মরম অদুনা নাগাশিংনা মফমদুদা য়ূম শাদুনা লৈবা য়ারোই হায়দুনা নম্ফু-হাফু তৌদুনা লিয়াংমৈ নাগা মতৈ- মনাও অদুদা খূৎ থাদুনা তমথীনা ফূদৎপিরম্বনি।

লৈলোন ৱায়ফৈ ভিল্লেজগী কুকি- খুঞ্জাশিং অসী কোয়চৎ চত্তুনা, ময়ূম অমসুং লম অমত্তা লৈতনা য়াম্না অৱাবা ফীভমদা লৈরম্বদগী লিয়াংমৈ নাগা ভিল্লেজ অথোরিটিদা মখোয়গী লৈফম লম মচেৎ অমত্তং পীবিনবা কন্না হায়জরকপদগী লৈলোন হায়রিবা মফম অদুদা মীওইবগী মিনুংশি য়েংলগা খুন্দাহনখিবনি হায়রি। ঙসিনা অমুক য়োংনা লৌপূ তানবগী ফীভম য়ৌশিল্লক্লি। মসী কৈদৌনুংদা য়াবা ঙম্লোই হায়না কোন্সাখুলগী মীয়াম্না ফোঙদোকখিবগা লোয়ননা খুন অসীগী ভিল্লেজ অথোরিটিগী মায়কৈদগী লৈলোন ৱায়ফৈ ভিল্লেজগী খুঞ্জাশিং লাক্লিবা নুমিৎ ১৫ ফাওবগী মনূংদা লৈলোন এরিয়া থাদোক্তুনা চৎখিগদবনি হয়না অল্টিমেতম পীখিবনি হায়রি।