মমাঙ চহীগী মে অহুমদগী চিন কুকি- নার্কো টেরোরিষ্টশিংনা ওইরোইদবা মঙলান শাগত্তুনা কান্নদবদা মৈতৈ ফূরূপকি মথক্তা লান্দারক্তুনা মীচম ২৩০ গী মথক্তা হাৎখিবা, মীওই ৬০,০০০ হেনবগী য়ুম-কৈ মৈ থাদোক্তুনা হৌজিক হৌজিক রিলিফ কেম্প শিংদা চঙজফম লৌদুনা লৈহল্লিবা থৌওং অসীগী ৱারোইশিন পুরক্তুনা খুদোংচাদবা মায়োক্নরবা মীয়াম অসী খুন্দা লৈতাহল্লু, নত্রবদি মনিপুরগী চিফ মিনিষ্টরগী বঙ্গলো মমাঙদা মশানা মশাবু মৈ থাজরগা শিজগনি হায়না লাউথোকখিবা ৱাফম অদুদা অহোংবা অমত্তা ঙসিসু লৈতে হায়না খোঙজঙলোয় মালেম থোঙাম্না নৌহৌননা ফোঙদোরক্লি।
থা অসীগী ২৮ দা মহাক্না চিফ মিনিষ্টর নোংথোম্বম বিরেনগা ঊনদুনা হৌজিক থোক্লিবা হীংশা অসী লোইশিলহন্ননবা হায়রুবদা উপাই লৈতে হায়না ফোঙদোরক্লে হায়না ট্রান্সজেন্দর মালেম্না ফোঙদোকখি। লাক্লিবা নুমিৎ ১৫ নিগী মনূংদা মহাক চিফ মিনিষ্টরগী বঙ্গলো মমাঙদা মশানা মশাবু মৈ থাজরগা শিজরগনি হায়খি।
কুকি-জো টেরোরিষ্টশিংগী এত্তেক লাকশীনবা ঙমজদ্রবা লৈঙাক অসী লৈরুবগী করি ৱাহন্থোক লৈরিবগে হায়না মালেম্না পিউমীশিংদা ফোঙদোকখি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে