মনিপুরদা চহী অমা মখায়মুক ফারক্লবা হীংশাগী ঈরাং অসীদা চিন-কুকি নার্কো মিলিটেন্টশিংনা য়ূম মৈ থাদোকখিবদগী তোঙান তোঙানবা রিলিফ কেম্পশিংদা ঙসিফাওবা চঙজফম লৌদুনা লৈরক্লিবা ইনমেটশিং অসীগীদমক হিংবদা চঙবা চীঞ্জাক অমসুং অতৈ মথৌতাবা খরচ পুজবা ঙম্ননবা শেন্দাল লম্বী অমমম পীবা মথৌ তাই হায়না থাংমৈবন্দ এ সিগী এম এল এ খুমুকচম জয়কিষন্না ফোঙদোকখ্রে।
লময়ানবা হিজম ইরাবতকি ১২৮ শুবা মপোক কুম্মোন পালন থৌরম পাঙথোকপদা এম এল এ অসিনা ৱাফম অসি ফোঙদোকখিবনি। কুম্মোন থৌরম অদু থাংমৈবন্দ খুয়াথোংদা লৈবা তোম্বিসনা হায় স্কুলদা হাংবা রিলিফ কেম্প তা পাঙথোকখিবনি। কেন্দ্র অসীদা হাংলিবা রিলিফ কেম্পশিংদা অতৈ মহৈরোয়শিংগী লূপ অমত্তনা ঙসীফিওবা মতেং পাংবা লাকখিদ্রি অদুবু সোসিয়েলিষ্ট ষ্টুদেন্স য়ুনিয়ন ওফ মনিপুর ( এস এস য়ু এম) না অনিরক অহুম্লক মতেং পাংবিরক্লিবসি য়াম্না শীঙথানিঙায়নি হায়না জয়কিষন্না ফোঙদোকখি।
এম এল এ অসিনা থাংমৈবন্দ কেন্দ্রদা হাংলিবা রিলিফ কেম্প অহুমগী ইনমেটশিংগী অৱা-অনাগী অমসুং অতৈ দরকার ওইবা চান্ন-থক্নবগী মতেং খুদিংমক্কি দাইত্য মহাক মশামক্না পুরগনি হায়না মমাঙদা লাউথোকপসু লৈখ্রবনি। গভর্নমেন্টকি থবক লৌবদা ওইরবসু নত্রগা অতৈ-অতৈ খুদোংচাবা লাকপা মতমদা রিলিফ কেম্পশিংদা লৈরিবা নহারোলশিংদা প্রিফরেন্স পীগদবনি হায়না মহাক্না ফোঙদোকখি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে