চৎলিবা ফেব্রুয়ারি থা অসীগী ১৩ দগী ২৭ ফাওবা জি আই এম সিগী ট্রেনিং হোলদা নুমিৎ ১৫ নি চূপ্না চত্থরকখিবা চারিতাল পূঙ চোলোমগী ট্রেনিং কম প্রদক্সন থৌরম ঙরাং মপূঙফানা লোইশিনখ্রে। ইম্ফাল ইষ্ট দিষ্ট্রিক্টকি থোংজু কেন্দ্রগী মনূঙচন্না লৈরিবা বাসিখোং কৈথেলদা লৈবা গুরু ইরাবোৎ ইন্সটিটিউট অব মনিপুর কলচর ( জি আই এম সি) গী ট্রেনিং হোলদা চত্থরকখিবা ট্রেনিং কম প্রদক্সন থৌরম অদূদা ইন্সটিটিউট অদূগী গুরু অমসুং ফাউন্দর প্রসিদেন্ট সু ওইরিবা সঙ্গিৎ নাটক একাদেমিগী এৱার্দি নিঙোম্বম ইরাবোৎনা অথোয়বা মীথূঙলেন, ইন্সটিটিউট অদূগী ভাইস-প্র সিদেন্ট ওইনা থৌ পুরিবা এ বিনোই মৈতৈনা থৌরম মপূ অদূগা বাসিখোং দ্রমাটিক এসোসিয়েসনগী প্রসিদেন্ট কম গুরু এম ইবোচৌবা সিংহনা অখন্নবা লেঙবীরকপা ওইনা শরুক য়াখি।
মনিপুরবু মালেমদা শক তাকপদা খ্বাইদগী মাঙজীল থানা থৌদাং লৌরিবা লমদম অসীগী নাৎ- কলচর অমসুং ঐখোয়গী তোপতোপ্পা আর্ট ফোর্মশিং তুংকোইনা য়োকখত্তুনা থম্ননবা পান্দমদা প্রোগ্রাম অসী পাঙথোকখিবনি হায়রি।