থৌবাল দিষ্ট্রিক্টকি মনূঙচন্না লৈরিবা শঙ্গায় য়ূম্ফম পার্ট ৱান অমসুং টুগী মনূঙচন্না লৈরিবা ক্লব, ওর্গানাইজেসন অমদি এসোসিয়েসনশিংগী অপূনবা এপেক্স বোদী ওইনা লৈরিবা য়ূনাইটেদ দেভেলপমেন্ট কম্মিটি (য়ু দি সি) গী নৌনা শাবা ওফীস বিল্ডিং ঙরাং হৌনবী মতূঙ ইন্না খাঙবোক কেন্দ্রগী এম এল এ ওক্রম সুর্জকুমারনা শঙ্গাখ্রে।
থৌরম অদুদা মনিপুর লৈঙাক্কি মাইনোরিটি এফ্যের্স দিপার্টমেন্ট কি জোইন্ট দিরেক্তর মোহম্মদ সল্লাউদ্দিন খান, য়ূ দি সিগী প্রসিদেন্ট মোহম্মদ জাফর আলি, সঙ্গায়য়ূম্ফম জিলা পরিষদকি হান্নগী মেম্বর মোহম্মদ হিবজুর রাহমান, এদমিনিষ্ট্রেটিব কম্মিটি, সঙ্গায়য়ূম্ফম পার্ট টু জিপিগী চ্যেরপার্সন মোহম্মদ ৱাহিদুর রাহমান, হায়রিবশিং অসীনা প্রেসিদিয়ম মেম্বরশিং ওইনা শরূক য়াখি।
হন্দক ফল লাউথোকখিবা, এম পি এস সীনা লৌবা মনিপুর সিভিল সার্ভিস কম্বাইন্দ কম্পিটিটিব ইগজামিনেসন্দা ৫৬ শুবা রেঙ্কতা মায় পাক্লকখ্রবা মোহম্মদ অমন নৱাজদসু খূদোলপোৎ পীদুনা ঈকায়খুম্নবা ঊৎখি। কম্মিটিগী ওফীস বিল্ডিং অদূ এম এল এ লোকেল এরিয়া দেভেলপমেন্ট ফন্দগী শেনফম্না শাবনি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি