মালেমগী মফম খূদীঙমক্তা ইন্টর্নেস্নেল ডে ওফ য়োগ গী থৌরম চহী খূদিংগী জূন ২১ দা পাঙথোক্নবগুম মনিপুরগী মফম পূম্নমক্তা ঙরাং য়োগ গী থৌরমশিং পাঙথোক্নখ্রে। মরূওইবা থৌরমদি ষ্টেটকি থাক্তা ইম্ফালগী খুমন লম্পাক্তা লৈরিবা ইন্দোর ষ্টেদিয়মদা মনিপুরগী গভর্নর অজয় কুমার ভাল্লানা লুচিংদুনা পাঙথোকখি।
থৌরম অদুদা ষ্টেট অসীগী চিফ মিনিষ্টর য়ূম্নাম খেমচান্দ সিংহ, হোম মিনিষ্টর গোবিন্দাস কোন্থৌজম,এম এল এশিং, লৈঙাক্কি মকোকথোংবা ওফিসিয়েলশিং, সেক্যুরিটি পার্সোনেলশিং , মহৈরোয়শিং অমসুং মীয়াম্না শরুক য়াখি। কোলকত্তাদা প্রাইম মিনিষ্টর নরেন্দ্র মোদিনা লুচিংদুনা নেস্নেলগী থাক্তা পাঙথোকখিবা য়োগ গী থৌরম অমা ওনলাইনগী খুত্থাংদা মীয়াম্না পূন্না য়েংমিন্নখি।
নুংতি নুমিৎ খুদিংগী চাং নাইনা য়োগ শাজেল তৌবনা মীওই খুদিংমক অনা-অয়েক কয়াদগী ঙাকথোক্তুনা হকচাং ফনা থম্বা ঙম্মি। মরম অদুনা ঐখোয়না নুমিৎ খুদিংগী য়োগ গী শাজেল তৌশি হায়না গভর্নর অজয় কুমার ভাল্লানা মীয়ামদা ফোঙদোকখি।
ইম্ফালগী লোক ভবন্দসু অখন্নবা য়োগ সেসন অমা চত্থখি। রিজনেল ইন্সটিট্যুট ওফ মেদিকেল সাইন্সেস রিম্স ইম্ফালনা শীন্দুনা হোস্পিটাল অসীগী জিম খানাদসু অখন্নবা য়োগ সেসন অমা পাঙথোকখি।
You may also like
-
লৈঙাক্না লম্বী শেম্বা মতমদা ফুটপাৎ শোয়দনা থমগদবনি:সুপ্রিম কোর্ট
-
নাগা মীচম তরুক হাৎখিবগী অচূম্বা ৱায়েল ফংহল্লু হায়দুনা ইম্ফালদা রেল্লি চৎখ্রে
-
খূরায় কেন্দ্রগী অহুমশুবা শিল্লৈমা ৱিভিং সেন্টর সাজোর লৈকায়দা হাংদোকখ্রে
-
রাহুল গান্ধীগী মপোক নুমিৎতা এম এল এ মেঘচন্দ্রনা হ্বীল চ্যের খূদোল তমখ্রে
-
মূক্নবনা ঐখোয় চাওখৎপা ঙম্লোই,মাঙনিন্নখিবা য়াই, নুংশি-চান্ননা হিংমিন্ননবা হোৎনমিন্নসি: চিফ মিনিষ্টর