চৎলিবা মার্চ থা অসীগী ১৯,শজীবূগী নোংমা পানবা শগোলশেন নুমিত্তা মীতৈ,কবুই,চোথে অমদি মরিং -হায়রিবা মনিপুরগী য়েলহৌ-ফূরূপ মরি অসীগী মীওইশিং পূন্সীনমিন্নবগী পান্দমগা লোয়ননা শজীবূ নোংমা পানবা চৈরাওবগী থৌরম পাঙথোকখ্রে। মসীগা লোয়ননা চহী হৌবগী থৌরম পাঙথোকমিন্নখ্রে।
লাইনিংথৌ সনামহী টেম্পল বোর্দকি মীৎয়েঙ মখাদা নৌনা শেমখিবা য়েলহৌ শজীবূ কুমহৌ লূপ্না অনীরকশুবা ওইনা বিষ্ণুপুর দিষ্ট্রিক্ট কি মনূঙচন্না লৈরিবা লম্লাংহূপ্পি চোথে খুলদা নোংমা পানবা শজীবূ চৈরাওবা থৌরম পাঙথোকখি।
সনামহী লাইনিংবু হেন্না চেৎশিলহন্নবা পান্দমগা লোয়ননা পাঙথোকখিবা থৌরমদুদা লাইনিংথৌ সনামহী টেম্পল বোর্দ ইম্ফালগী ভাইস প্রসিদেন্ট বিদ্যাপতি সেঞ্জম,মেম্বর সেক্রেটরি সিবদট্ট লূৱাঙ, য়েলহৌ শজীবূ কুমহৌ লূপকি চ্যেরমেন কামশোন গাংমুমৈ কবুই, ভাইস প্রসিদেন্ট টি ঐচ জাত্রা, চোথে খুলগী নিংথৌ, লাইনিংথৌ সনামহী টেম্পল বোর্দকী থৌগল্লোয়শিং, কবুই অমদি মরিং ফূরূপকি লুচিংবা কয়ানা শরুক য়াখি।