হৌজিক মনিপুরদা লৈরিবা মীয়ামগী ঈরাং, অমদি মায়োক্নরিবা লো এন্দ ওর্দরগী ফীভম অসীগী মতাঙদা মনিপুরদা লৈরিবা সিভিল সোসাইটি ওর্গনাইজেসনশিংগী অপূনবা এপেক্স বোদী অমা ওইনা লৈরিবা কোর্দিনেটিং কম্মিটি ওন মনিপুর ইন্টিগ্ৰিটি (কোকোমি) গা ফম্মিন্নদুনা ৱারী শান্নশি হায়না মনিপুর লৈঙাক্কী মায়কৈদগী ঙরাং কোকোমিগী কনভেনর ওইনা লৈরিবা ৱাই কে ধিরেন্দা চেবাও থারকখ্রে। চেবাও অদূ কোকোমিনসু ফংলে হায়না ফোঙদোরকখ্রে। অদূম ওইনমক, লৈঙাক্না খুদোংচাগদবা মতম অমা খঙল্লকউ হায়রক্লিবা অদূগী মতাঙদদি খন্নবা লৈত্রি, মীফম অদূ পাঙথোক্নবগী চপচাবা মতম লেপ্পসু হৌজিকমক্কিদি লৈত্রি হায়না কোকোমিগী কনভিনর ৱাই কে ধিরেন্না পাউমীশিংদা ফোঙদোকখ্রে।
ঙরাং পাউমীশিংগা নুংথিল পূং অহূম তাবদা উনখিবা অমদা কোকোমিগী ৱাঙাঙলোয় ওইরিবা নহাকপম সান্ত না হায়, হৌজিকমক্কি ওইনদি লৈঙাক্কা ৱারী শাননবগী মতম লেপ্পা লৈত্রি। চৈরকশিদা, থা অসীগী ২১ দা কোকোমি ৱিমেন ৱিংগী মায়কৈদগী চিফ মিনিষ্টর য়ূম্নাম খেমচান্দ য়াওনা বি জে পিগী মিনিষ্টরশিং, এম এল এশিং অমদি থৌমীশিং খোঙজোম দেগী থৌরম য়াওবদা অথীংবা থম্লে হায়না লাউথোকখিবা অদূ কোকোমিনা মপূঙ ফানা শৌগৎলি। খোংজোম দেগী থৌরমদা মীয়াম্না লম্বীদা থোক্লক্তুনা অকনবা খোল্লাউগা লোয়ননা লৈঙাক্কি লুচিংবশিং থৌরম অসীদা য়াওহন্দনবা অকনবা খোঙজঙ চঙশীনমিন্নসি হায়না সান্তনা মরী লৈনবা মীয়ামদা আপিল তৌখি।
চৎলিবা এপ্রিল থা অসীগী ২৫ দা কোকোমিনা শীন্দুনা মীয়ামগী অচৌবা রেল্লি অমা চৎকনি হায়না সান্ত না মখা তাখি।
You may also like
-
ঈশাগী লোল, ময়েক্তা মহৈ তম্বা য়ারবনিনা হীরম খূদীংদা চাওখৎপা ঙম্লগনি: সি এম
-
তেলিপতিদা লৈঙাক্কি অথোরিটিগা মীয়াম অনীগী মরক্তা মূক্নখ্রে
-
কম্বাইন্দ সেক্যুরিটি টিম্না খূৎলায় কয়ামরুম রিকোভর তৌখ্রে
-
য়োগগী থৌরমশিং মনিপুরদসু পাক-সন্না পাঙথোক্নখ্রে
-
লৈঙাক্না লম্বী শেম্বা মতমদা ফুটপাৎ শোয়দনা থমগদবনি:সুপ্রিম কোর্ট