মনিপুরদা হৌজিক কাঙলূপশিংগী মরক্তা নাট-পাক তানদুনা য়েংথীনরকপা, মরূওইনা কুকি -জো কাঙলূপকি মিলিটেন্টশিংনা মৈতৈ অমসুং তাঙ্খুল কাঙলূপকি মীচমশিংদা অতম্ননা এত্তেক চত্থরক্তুনা বোম অমসুং নোংমৈনা কাপ্তুনা হাৎপা,মীচম কয়া অমদা অশোক-অপন মায়োক্নহনবগী থৌদোক নোংমা কাংদনা থোক্লিবা অসীদা চিফ মিনিষ্টর য়ূম্নাম খেমচান্দ য়াম্না নুঙাইতবগী ফীভম মায়োক্নরি।
চৈরকশিদা ঙরাং নুংথিল পূং মঙা খরা হেল্লকপা মতমদা চিফ মিনিষ্টরনা থ্রী কোরগী জেনরেল ওফিসার কম্মান্দিং(জি ও সি) ওইনা লৈরিবা লেফটেনেন্ট জেনরেল গিরিজ কালিয়াগা সি এম সেক্রেটরিয়েট তা উনদুনা, মনিপুরদা ওইরক্লিবা সেক্যুরিটি অমদি লো এন্দ ওর্দরগী মতাঙদা কূপ্না খন্নখ্রে।মরূ ওইনা হৌজিক ঊখ্রূল অমসুং কামজোং দিষ্ট্রিক্টশিংদা কুকি মিলিটেন্টশিং অমদি তাঙ্খুল নাগা কাঙলূপকি ভিল্লেজ ভল্লন্টিয়রশিংগী মরক্তা লেপ্পা লৈতনা নোংমৈ কাপ্নরক্লিবা থৌওং অসিগী মতাঙদা খন্নখিবগা লোয়ননা অহেনবা সেন্ট্রেল সেক্যুরিটি ফোর্সেস খোঙলৈ থুনা চঙশীন্দুনা, হৌজিক থোক্লিবা হীঙশাগী ঈরাঙ অসী কন্ট্রোল তৌননবা সেক্যুরিটি ফোর্সকি মকোকথোংবা ওফিসারশিংদা খঙহনখ্রে হায়রি।
মমাঙদসু দিষ্ট্রিক্ট অনী অসীদা থোক্লিবা ঈরাং অসী কন্ট্রোল তৌননবা এ আরগী কম্পেনি তরূকলোম থাজীনখ্রবনি।হৌজিক সেন্ট্রেল সেক্যুরিটি ফোর্সনা য়াম্না কন্না ঙাক-শেন্দুনা কন্ট্রোল তৌরকখিবদগী সিনাকৈথৈ অমদি মসীগী অকোয়বা মফমশিংদদি ঈরাং নেমথখিবগী শক্তম উবা ফংলে।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি