থৌবাল পুলিস ষ্টেসন মমাঙদা লৈরিবা ভিসাল মেগা মার্টকি গেত্তা শক্তি লৈরবা হেন্দ গ্ৰেনেদ অমা ঙরাং অয়ূক ৱাল্কিং চৎপা মীয়াম্না থেংনরকখ্রে। হেন্দ গ্ৰেনেদ অদুগা লোয়ননা “কে সি পি (পি দব্লিয়ু জি), নেক্স আই ই দি ব্লাষ্ট”, হায়না খূৎনা ইবা চে মচেৎ অমসু থৌবাল পুলিসনা রিকোভর তৌখ্রে।
বোম অদূ অশোয়-অঙাম অমত্তা য়াওহন্দনা পুলিসকি টিম্না দিফ্যুজ তৌখি। থৌবাল কৈথেল মনাক্তা হন্দক নৌনা শাগৎলকখিবা ভিসাল মেগা মার্ট অসী অতোপ্পা মফমদা হোংদোক্ট্রিফাওবা অথীংবা থম্লগনি হায়না মতম খরগী মমাঙদসু খূৎলায় পায়বা লূপ অসীনা ফোঙদোকপা লৈখিবনি। মসীগীসু মথক্তা থৌবাল কৈথেলদা পোৎফম ফম্লিবিশিংনসু মেগা মার্ট অসী থৌবাল কৈথেল অসীদগী খরা হেন্না লাপথোকপা মফম অমদা হোংদোকখিগদবনি, হৌজিক লৈরিবা মফম অসীদা হাংবা য়ারোই হায়বগী ৱাফম অমসু লৈরিবনি।
নাকল অমরোমদা, মার্ট অসীদা থবক তৌরিবা ষ্টাফশিং অমসুং লৈকায়গী মীয়াম্নদি ভিসাল মেগা মার্ট অসী অতৈ অতোপ্পা মফমদা হোংখিবা য়ারোই হায়বা অকনবা দিমান্দ তৌরদুনা ঙরাং ৱাকৎ মীফম চত্থখ্রে। ভিসাল মেগা মার্ট অসীদা লৈরিবা ষ্টাফ অমনা ফোঙদোরকপা মতূঙ ইন্না, থৌবাল মায়কৈগী থবক ফংদ্রবা নহারোল ৬০ হেনবনা মার্ট অসিদা থবক ফংজদুনা ঈমূঙ -মনূঙগী শেল-থুমগী মতেং খরদা ওইরবসু পাংবা ঙমজরিবনি।লায়রবা ঈমূঙগী নহারোল কয়া থবক পীরিবা মার্ট অসী মূত্থৎপিগনু, লায়রবশিংগী থৱায় কনবিয়ু হায়খি।
You may also like
-
মনিপুরদা ফার্মাসি অমত্তা হাংনখিদ্রে
-
মীয়াম্না মায়োক্নরিবা থাউ ফংদবগী অৱাবা য়াম্না থুনা কোক্লগনি: জোগেন্দ্র
-
ইন্দিয়া লৈঙাক্না চত্থরক্লিবা মনিপুরগী প্রোক্সি ৱার ইন্দিয়ানা লেপহন্দ্রিমখৈ লোইবা নাইখিরোই: ধিরেন
-
মীওই অহুম দেঙ্গী পোজিটিব ওইরে
-
লিয়াংমৈ নাগাগী নূপীশিংনা হোষ্টেজ তরুক থাদোক্নবা রেল্লি চৎখ্রে