ননহি মুস্কান প্রোজেক্টকি মনূঙ চন্না থৌবাল দিষ্ট্রিক্ট তা লৈরিবা তোঙান তোঙানবা চাইল্ডক্যের ইন্সটিট্যুটশিংদা লৈরিবা অঙাঙশিংগী ওইবা হেল্থ কেম্প অমা দি সি ওফিস, থৌবালগী ইলেক্সন কাউন্টিং হোলদা ঙরাং পাঙথোকখ্রে।
কেম্প অদূ রিজনেল ইন্সটিট্যুট ওফ মেদিকেল সাইন্সেস (রিম্স) ইম্ফালগী দিপার্টমেন্ট ওফ পেদিয়াত্রিক্স এন্দ প্রিভেন্তিব দেন্টিষ্ট্রি, দেন্টেল কোল্লেজ; দিষ্ট্রিক্ট এদমিনিষ্ট্রেসন থৌবাল অমদি দিষ্ট্রিক্ট চাইল্ড প্রোটেক্সন য়ুনিট, থৌবালনা খূৎশম্নরগা পাঙথোকখিবনি। রিম্স হোস্পিটালগী দর্মাটোলোজী, ওটোলেরিঙ্গোলোজী অমসুং পেদিয়াট্রিক্কি স্পেসিয়েলিষ্ট দাক্তরশিংনা অঙাঙ ২০০ হেনবদা লেম্না লায়েঙখিবগা লোয়ননা মথৌ তাবা হীদাক-লাংথকশিং য়েন্থোকখি।
থৌরম অদূ হৌদোকপদা শরূক য়ারদুনা দি সি থৌবাল রোবিটা য়ূম্নাম্না চাইল্ড মেরিয়েজ, পোক্সো, চাইল্ড লেবর নচিংবগী পাউজেল পীবা পোষ্টর কেম্পেইন অমা লোঞ্চ তৌখি। দিষ্ট্রিক্ট চাইল্ড প্রোটেক্সন ওফিসার, থৌবাল, রোবিন্দ্রো সলামসু থৌরমদুদা শরুক য়াখি।