ৱার্ল্ড হঙ্গর ডেগা মরী লৈননা মালাবার গ্ৰূপকি হ্যুমেনিটেরিয়ান ইনিসিয়েটিব অমা ওইনা পায়খৎলিবা হঙ্গর ফ্রী ৱার্ল্দ হায়বা প্রোগ্ৰাম অসীনা ষ্ট্রীট মিল দিষ্ট্রিব্যুসন প্রোগ্ৰামগী কান্নবশিং, লৈফম-চাফমগী খুদোং চাদ্রবশিংদা শীংথানীংঙাই ওইনা ফংহনবা ঙম্লক্লি হায়বা ৱাফম গ্ৰূপ অসীনা থম্লক্লি।
ৱাফম অসি মালাবার গ্ৰূপকি “রিহেবিলিটেসন ইম্পেক্ট রিপোর্ট: ইম্পেক্ট ষ্টোরিজ, হাও এ দেলি মিল ওপন্স দি দোর টু এ ট্রান্সফোর্ম লাইফ,” হায়না মিংথোনবা রিপোর্ট অদুদা ফোঙদোরকপনি। রিপোর্ট অদূদা পল্লিবদি, থানাল না ষ্ট্রিট দ্বেল্লরশিংদা হকথেংননা নুংতিগী চানবা চীঞ্জাকশিং, থক্নবা ঈশীং অমদি মচি ওইবা চীঞ্জাক্কি পোৎলমশিং য়েন্থোকপগী থবকশিং চত্থরিবা অদূদা রেসক্যু, মেদিকেল সপ্পোর্ট, সেল্টর এক্সেস,দিগ্নিটি রেষ্টোরেসনগী খুদোংচাবশিং ফংহনবা ঙম্লি অদুগা মীওইশিং অসীগী ঈমূঙ-মনূঙশিং অমূক হন্না পূন্সীলহন্ননবা থবকশিংসু লৌখৎলক্লি হায়রি।
ষ্ট্রীট মিল দিষ্ট্রিব্যুসন প্রোগ্ৰাম অদু কা হেন্না লায়রবা মীওইশিংদা চীঞ্জাক ফংহনবতা নত্তনা নুংতিগী মচি ওইবা অতৈ চীঞ্জাকশিংসু ফংহন্ননবা হৌদোকখিবনি হায়বা ৱাফম পল্লি। প্রোগ্ৰাম অদু হৌজিক ইন্দিয়াগী ষ্টেট ২০ দা পায়খৎপগী মথক্তা মালেমগী জি সি সি লৈবাক ৬ য়াওনা, য়ু কে, য়ু এস এ, অমদি জাম্বিয়া, হায়রিবা লৈবাক ৯ অসিদসু পায়খৎলি হায়না ফোঙদোরক্লি।
মালাবার গ্ৰূপকি মরূওইবা ইন্টরভেন্সন অনী – মাইক্রো লার্নিং সেন্টরশিং অমসুং ষ্ট্রীট মিল দিষ্ট্রিব্যুসন প্রোগ্ৰাম গী মখাদা পূন্না বেনিফিসরি ১,৪৩,০০০ কান্নবা ফংহল্লেসু হায়রি।
ইনিসিয়েতিব অসিগী মতাঙদা মালাবার গ্ৰূপকি চ্যেরমেন এম.পি.আহম্মদনা হায়, হঙ্গর ফ্রী ৱার্ল্দ প্রোগ্ৰামগী মখাদা মীয়াম্না থাজবা থম্বিরবা গ্ৰূপ অসীনা রিহেবিলিটেসন, হেল্থক্যের এক্সেস, ইম্মোস্নেল সপ্পোর্ট অমসুং দিগ্নিটি রেষ্টোরেসনগী তেংবাংশিং, মরী লৈনবা বেনিফিসরিশিংদা য়ৌহনবা ঙম্লে।
