মনিপুরদা হৌজিক থোক্লিবা হীঙশাগী ঈরাঙ অসী লাকশীন্নবা পান্দমদা সেন্টরনা অহেনবা সেক্যুরিটি ফোর্স থাজিল্লকপা লেপ্পা লৈত্রি। ছটিসগর অমসুং অকোয়বা মফমশিংদা এন্টি-নক্সাল ওপরেসনদা শরূক য়ারম্বা কোব্রাগী বট্টালিয়ন অমা অমসুং ইন্দো টিবেট্টান বোর্দর পুলিস (আই টি বি পি) গী কম্পেনি মঙা মনিপুরদা নৌনা অমুক থাজীল্লকখ্রে।
রিপোর্ট অমগী মতূঙ ইন্না, য়ুনিয়ন হোম এফ্যের্স মিনিষ্ট্রিনা হন্দক মীফম অমা পাঙথোকখিবগা লোয়ননা হৌজিক লৈরিবা মনিপুরগী সেক্যুরিটিগী ফীভমশিং কূপ্না খন্নখি। মীফম অদুদা মনিপুরদা অহেনবা সেক্যুরিটি ফোর্স থাজীন্ননবা ফিরেপ লৌরকখিবনি হায়রি।
বিহারদা লৈরম্বা কম্মান্দো বট্টালিয়ন ফোর রিজোল্যুট এক্সন (কোব্রা) গী বট্টালিয়ন অমা অমসুং আই টি বি পিগী কম্পেনি ৫ মনিপুরদা নৌনা থাজিল্লকখিবনি। কোব্রা বট্টালিয়ন অসী মনিপুর অমদি আসামগী লোন্নবদা মথৌ তৌহনগদৌরি। হৌখিবা মে অমসুং জুন থাদসু কোব্রা বট্টালিয়ন অনী থাজীল্লকখ্রবনি।