চৎলিবা জূন থা অসীগী ১৯ গী অয়ূক পূঙ ৬ তারকপদা থৌবাল পুলিস ষ্টেসনগী মনূঙচন্না লৈরিবা থৌবাল ওক্রম মনিং লৈকায়দা লৈবা স্পেসিয়েল কন্ট্রেক্তর নিঙোম্বম বাবু অপোকপা লৈখিদ্রবা নিঙোম্বম আচৌগী য়ূমগী থোঙ্গালদা শক্তি লৈরবা বোম অমা থমজিন্দুনা অকি-অখঙ থোকহল্লম্লে।
থৌওং অদূবু কন্না য়ানিংদবা ফোঙদোক্তুনা লৈকায়গী মৈরা পায়বী ঈমাশিংনা থৌবাল ওক্রম লৈকায়গী কম্যুনিটি হোলদা ৱাকৎ মীফম চত্থখ্রে। বাবুগী ময়াম্বনা অয়ূক পূঙ ৬ লোম তারকপদা য়ূমগী অকোয়বা মফমশিং অদূ শীৎ-শেংবগী থবক তৌরকপদা বোম অদূ থেংনরকখিবনি। মতূঙদা থৌবাল পুলিসতা পাউ পীখিবগা লোয়ননা পুলিসনা বোম অদূ লৌখৎখ্রে হায়রি।ৱি কন্দেম কিপ্পিং বোম এট লোকেল হাওজেস, মীরক্তা বোম থমজিন্দুনা মীয়ামদা অকি- অখং পোকহনবা য়ানিংদে, টেরোরিজম য়ানিংদে হায়বনচিংবা প্লেকার্দ কয়া ৱাকৎ মীফম অদূদা শরুক য়াখিবা মৈরা পায়বী ঈমাশিংনা শীজিন্নখি।
থৌদোক অদূগী মতাঙদা থৌবাল পুলিসনা কেস অমা রেজিষ্টর তৌদুনা থিজিনবা হৌখিবগা লোয়ননা থৌদোক্তুদা চেন্নরিবশিং ফাগৎনবা থি-হুম্বগী থবক লৌখৎখ্রে।
You may also like
-
কংলাদা সি ঐচ ঐচ সি আই হৌদোক্তুনা শীৎ-শেংবগী থবক পায়খৎখ্রে
-
সঙাই ইথনিক পার্কতা ৱার্ল্ড টুরিজম ডে থৌরম পাঙথোকখ্রে
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা