ইন্দিয়া লৈঙাক্কি কলচর মিনিষ্ট্রিনা স্পোন্সর তৌদুনা ইম্ফাল ইষ্ট দিষ্ট্রিক্টকি সোইবম লৈকায়, সিটিজন্স ক্লব মনাক্তা লৈরিবা ইষ্টর্ন কালা একাদেমিনা শীন্দুনা থা অমা চূপ্না চত্থরকখিবা থাঙ- তা মার্সিয়েল আর্টস ফেষ্টিবেল মপূঙফানা লোইশিনখ্রে।
থাঙবী সাকোক সাদীং হায়বা থিমদা চত্থরকখিবা মার্সিয়েল আর্টস ফেষ্টিবেল অদূ লোইশিনবা থৌরমদা ৱাংখৈ কেন্দ্রগী এম এল এ থাংজম অরুনকুমার, খেঞ্জোংলাংগী দিরেক্তর দা. এস থানিললৈমা, সিটিজন্স ক্লবকি প্রসিদেন্ট মহেন্দ্র নাউরেম, মনিপুর ষ্টেট কালা একাদেমিগী সেক্রেটরি সুনন্দ থোকচোমনা মথঙশীৎনা অথোয়বা মীথূংলেন, গেষ্ট ওফ ওনরশিং অমসুং থৌরম মপূ ওইনা শরুক য়াখি।
পুৱারিগা শাগোন্নদুনা লাক্লবা, ঈপা-ঈপূশিংনা লোয়নদুনা লৈরকখ্রবা, ঐখোয়গী নাৎ অমসুং কলচরগা থাদোক্নবসু য়াদনা লৈরক্লিবা থাঙ-তাগী মহৈ কাঙলোনশিং তুংকোইনা য়োকখত্তুনা থম্ননবা পান্দমদা পাঙথোকখিবা ফেষ্টিবেল অদূ মপূংফানা লোইশিনখিবদা অথোয়বা মীথূংলেন, থৌরম মপূ অমদি অতৈ দিগনিটরিশিংনা ইষ্টর্ন কালা একাদেমি অমদি অশীল- অরাঙ তৌখিবশিংবু ঙমখৈ লৈতনা থাগৎখিবগা লোয়ননা অপেনবসু ফোঙদোকখি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে