নুমিৎ তরানিগী থা লৈবাক্কি খোঙচত্তা ঙরাং নেস্নেল এরোনোটিক্স এন্দ স্পেস এদমিনিষ্ট্রেসন (নাসা) গী আর্টিমিস -টু, মপূঙ ফানা শেম – শাদুনা, অশোয়-অঙাম য়াওরম্বা পূম্নমক চুমথোক্লবা মতূঙদা খোঙশানখ্রে। স্পেসক্রাফ্ট অদূদা এষ্ট্রোনোট মরি য়াওরি।
টেক্নিকেল ওইবা অশোয়বা খরা লৈবদগী খোঙচৎ অদূ মতম চানা পাঙথোকপা ঙমখিদবনি। অদূম ওইনমক অশোয়বশিং অদূ হেন্না কুপথনা য়েংশিন্দুনা শেমদোক-শাদোক্তুনা চুমথোক্লবা মতূঙদা খোঙচৎ অদূ হৌখিবনি। মীওইবা অমসুং অতৈ মখলগী জিবা পানবশিং থা-লৈবাক্তা তশেংনা খুন্দাদুনা লৈবা য়াগদ্রা হায়বগী মতাঙদা হন্দক্কি খোঙচৎ অসী পাঙথোকপনি হায়রি।
খোঙচৎ অসিদা শরূক য়ারিবা এষ্ট্রোনোটশিং অদূদি নাসাগী রিদৱিজমেন, ভিক্টর গ্লোভর,খ্রিষ্টিনা কোচ অমসুং কানাদিয়ন স্পেস এজেন্সিগী জেরিমি হেন্দসম নি। এপোল্লোগী খোঙচৎ অদুদগী হন্দক্কি অসীনা থা গী মরমদা হেন্না কূপথনা থিজিনগনি হায়রি।