ইম্ফাল ইষ্ট দিষ্ট্রিক্টকি মনূঙচন্না খূরাই তেলিপতি এরিয়াদা লৈরিবা খাসলেন্দ গী শরূকশিংদা লম হেঞ্জিন্দুনা শাজিল্লক্লিবা য়ূম, দুকান্নচিংবশিং তকথোক্নবা দিষ্ট্রিক্ট অসীগী দেপ্যুটি কম্মিস্নারনা থোকখিবা নোটিফিকেসন অমগী মতূঙ ইন্না ঙরাং মরী লৈনবা ওফিসিয়েলশিংনা মনিপুর পুলিসকা লোয়ননা ইভিক্সন দ্রাইভ চত্থনবা থবক পায়খৎলকপদা মফম অদূগী মীয়াম্না অথিংবা পীরকপদগী নাকল অনীগী মরক্তা চাউনা মূক্নখ্রে।
ঙরাং অয়ূক পূঙ ৭:৩০ রোম তারকপদা ইভিক্সন দ্রাইভ চত্থবা হৌখিবনি।অদূম ওইনমক মফম অদূগী মীয়াম্না অথিংবা পীরকপদগী য়াম্না কন্না মূক্নরকপগী পাউ তাবদগী ৱাঙ্খৈ কেন্দ্রগী এম এল এ থাংজম অরুনকুমার মফমদুদা চঙশীল্লক্তুনা নাকল অনীগী মূক্নরিবা অদূ য়াশিন্ননবা হোৎনরবসু য়াশিন্নবা পুরকপা ঙমখিদে।
মরী লৈনবা সব-দিবিজনেল ওফিসার য়াওনা রেভিন্যু ওফিসারশিং লাক্তুনা শান্তি ওইনা ৱারী শান্নরবা তুংদা নাকল অনীগী মরক্তা মূক্নরকখিবা অদূ ঈঙথখি। মদূগী মমাঙদা, ইভিক্সন্দা শীজীন্ননবা লৈঙাক্কি জে সি বি অমা চঙহন্দনা, মীয়াম্না থিংদুনা থমখি। পূন্না ৱাখল তামিন্নরবা মতূঙ কাইনথংদা ইভিক্সনগী থবক মখা চত্থখি।
You may also like
-
ঈশাগী লোল, ময়েক্তা মহৈ তম্বা য়ারবনিনা হীরম খূদীংদা চাওখৎপা ঙম্লগনি: সি এম
-
কম্বাইন্দ সেক্যুরিটি টিম্না খূৎলায় কয়ামরুম রিকোভর তৌখ্রে
-
য়োগগী থৌরমশিং মনিপুরদসু পাক-সন্না পাঙথোক্নখ্রে
-
লৈঙাক্না লম্বী শেম্বা মতমদা ফুটপাৎ শোয়দনা থমগদবনি:সুপ্রিম কোর্ট
-
নাগা মীচম তরুক হাৎখিবগী অচূম্বা ৱায়েল ফংহল্লু হায়দুনা ইম্ফালদা রেল্লি চৎখ্রে