চৎলিবা জূন থা অসীগী ১৭ কি অহীংদা শকখঙদবা মীওই খরনা চুরাচান্দপুর দিষ্ট্রিক্ট হোস্পিপালগী ওপরেসন থিয়েটরগী শরূক খরা মৈ থাদোক্লম্লে।
থৌওং অদূবু হোস্পিটাল অদুগী দাক্তরশিং অমদি অতৈ মেদিকেল ষ্টাফশিংনা কন্না য়ানিংদবা ফোঙদোকখ্রে।
রিম্স হোস্পিটালদগী, নুমীৎ নীনীগী মমাঙদা, সেক্যুরিটি ফোর্সনা ঙাক-শেন্দুনা পুরক্লগা চুরাচান্দপুরগী দিষ্ট্রিক্ট হোস্পিটাল অদুদা মখাতানা লায়েংদুনা লৈরিবা কুকি মচা অহূমদু মফমদুদা লায়েঙবা য়ারোই, কাংপোকপিদা পুদুনা চৎখ্রো হায়বা দিমান্দ তৌদুনা জৌমী কাঙলূপকি মীওইশিংনা য়ানিংদবা ফোঙদোকপসু লৈখ্রবনি। মরম অসীনা, মৈ থারম্লিবা থৌওং অদূ জৌমী কাঙলূপকি মীওইশিংনা চত্থবা ওইরমগদ্রা হায়বগী চিংনবা খরসু লৈনরি।
হোস্পিটাল অদূগী দাক্তরশিংনা থৌওং অদূবু কন্না য়ানিংদবা ফোঙদোকখ্রে। কাঙলূপকি মীৎয়েং থমদনা, জাৎ, কুচুগী, ধর্মগী খেন্নবা য়েংদনা মীওইবগী পুন্সি কন্নবা থবক পায়খৎলিবা লায়েঙশঙ অমা হায়বসি লাইশঙ অমনি। লাইশঙ মৈ থাবা হায়বসি মীওইবা অমা ওইবগী লীচৎ নত্তে হায়না দাক্তরশিং অদূনা ফোঙদোকখি।
অতোপ্পা পাউগী লীখূল অমনা খঙহল্লক্লিবনা, থৌওং অদূ কাঙলূপকি ওইবা ৱাখল্লোন্দা চত্থরম্বা নত্তে, ঙাওশীন্নবা মীওই খরনা চত্থরম্বা থবক্নি হায়রি।
You may also like
-
মীওই লীশিং কয়া শরূক য়াদুনা দি গ্ৰেট জূন অপরাইজিং, য়ুনিটি দেগী থৌরম পাঙথোকখ্রে
-
মনিপুরগী য়েলহৌমীশিং মুত্থৎনবা ইন্দিয়াগী অরোনবা, অফোঙবা থৌরাংশিং ঐখোয়না চপচানা থেংনহৌদ্রবদি য়েলহৌমীশিং তুম্না মাঙখ্রগনি: ৱাই কে ধীরেন
-
থৌবাল দিষ্ট্রিক্টকি ওইনা জন কল্যান শিভির কেম্প হৌদোকখ্রে
-
কোন্সাখুলগী নহা অহুম সেক্যুরিটি ফোর্সনা ফাগৎখ্রে, অশোকপা কুকি অহুম রিম্সতগী পুথোকখ্রে
-
জূন ১৯ দগী লাইনীংথৌ-লাইরেম্বী মঙাগী হরাওবা থৌরম পাঙথোক্লগনি: সুসিন্দ্রো