জর্নেলিজমগী অশেংবা পান্দমদি সধারন মীয়ামদা অচূম্বা, মতমগা চান্নবা, মরীক চূম্বা ঈ-পাউ ময়েক শেংনা য়ৌহনবা হায়বসিনি অদূবু হৌজিক সোসিয়ল মেদিয়াগী মতমসিদা করম্বা পাউনা অচূম্বনো, করম্বনা অরানবা পাউনো হায়বসি খন্দোক্লগা মীয়ামদা য়ৌহন্ননবা হোৎনবদা জর্নেলিষ্টশিংদা য়াম্না অরুবা ফীভম অমা মায়োক্নরি হায়না মনিপুর লৈঙাক্কি দি আই পি আরগী সেক্রেটরি হুংয়ো ৱারশংনা ফোঙদোকখ্রে।
দিরেক্টরেট ওফ ইনফোর্মেসন এন্দ পব্লিক রিলেসন্স (দি আই পি আর) না শীন্দুনা ঙরাং “এপ্লিকেসন ওফ এ আই ইন জর্নেলিজম এন্দ মেদিয়া ফেক্ট চেক্কিং” হায়বা হীরমদা নোংমগী ওইবা মেদিয়া সেন্সিটাইজেসন ৱার্কসোপ অমদা হুংয়ো ৱারশং না ফোঙদোকখি বনি। মহৌশাদগী চৎনরক্লবা পাউচে পাবা অমসুং পাউ য়েংবদগী থৈদোরক্তুনা, ঐখোয়না অপাম্বা ঈ-পাউ খূদীঙমক সোসিয়ল মেদিয়াদগী খূদক-খূদক্তা ফংবা ঙম্লে। মতাঙসিদা ঐখোয়না চেকশীনগদবদি, জর্নেলিজম অমসুং সোসিয়ল মেদিয়া, অনীগী মরক্তা লৈরিবা খেন্নবা অদুনি হায়খি।
জর্নেলিজমদা এ আইনা অচৌবা ইথিল অমা পীরি। এ আইগী শাথিরবা ইভোল্যুসন অসীবু জর্নেলিজমগী ইফেক্তিব ওইবা খূৎলায় অমা ওইনা শীজীন্নদুনা দেটা এনালাইসিস, ফেক্ট চেক্কিংনচিংবা হীরম কয়াদা শীজীন্নরি হায়বা ৱাফম ফোঙদোকখি।
করিগুম্বদসু এ আইনা পীরকপা ইনফোর্মেসন অসী মেনিপ্যুলেট তৌবা য়াওরকপনা, অচূম-অরানগী মতাঙদা য়াম্না চেকশীন্না য়েংহৌদবা য়ারক্তবগী ফীভম লৈ হায়না মহাক্না ফোঙদোকখি।
You may also like
-
অরম্বাইগী থৌমী ফাজীনখিবগী মায়োক্তা ৱাকৎ মীফম কয়া চত্থরি
-
ইন্দিয়ানা কুকিশিং শীজীন্নরগা নাগাগী মথক্তা প্রোক্সি ৱার চত্থরক্লে : থুইঙালেং মুইভা
-
অরম্বাই তেঙ্গোলগী থৌমীশিং মখাতানা ফাদনবা দি জি পিদা খঙহনখ্রে, তম্পাক্তা খূৎলায়শিং থমজিনবগী রিপোর্ট লৈরি: গোবিন্দাস
-
ইন্টর্নেস্নেল ওলেম্পিক্স ডে রন মনিপুরদসু পাঙথোকখ্রে
-
কাংপোকপিদগী লাঞ্জেন্নরকখিবা আই দি পিশিংগা চিফ মিনিষ্টরগা উনখ্রে