হৌখিবা আগষ্ট ২৫ গী নুংথিলদা চকপীকারোং পুলিস ষ্টেসন গী মনূঙদা লৈবা রিংফে এরিয়াদা লৈরিবা স্কুলগী হোষ্টেল অমদগী খঙহৌদনা মাঙখিবা মহৈরোয় অঙাঙ অহুম ঙরাং সেক্যুরিটিগী কম্বাইন্ড টিম্না অশোয় অঙাম অমত্তা য়াওদনা রেসক্যু তৌবা ঙমখ্রে। আগষ্ট ২৫ গী নূংথিল পূঙ ৫ রোম তারকপদা রিংফেদা লৈবা ওরিয়েন্টেদ হোষ্টেল অথোরিটিনা চকপীকারোং পুলিস ষ্টেসন দা অঙাঙশিং মাঙখিবা অদূগী মতাঙদা মিসীং রিপোর্ট অমা থাঙ্গৎলকপদগী পুলিস ষ্টেসন অদূগী ওফিসার- ইন-চার্জ জয়মার্টিন্না লিদ তৌবা পুলিস টিম অমনা বস অমসুং ওতো রিক্সোনচিংবগী ষ্টেন্দ শিং য়াওনা মফম কয়াদা কোয়না চত্তুনা অঙাঙ ৩ অদুবু ফংননবা কন্না হোৎনখি।
অদূম ওইনমক মখোয়বু ফংবদি ঙমখিদে হায়রি। মদূগী মতূঙ, চান্দেল দিষ্ট্রিক্ট পুলিসকি এস পি ধর্মেন্দ্র ত্যাগি গী ওভরওল সুপরভিজন মখাদা লোকেল য়ূথ, ভিল্লেজ অথোরিটি, এ আর সল্লুপ পোষ্ট, বি এস এফ কি কম্বাইন্ড টিম্না রিংফে ভিল্লেজগা থংননা লৈরিবা মনাক নকপা জঙ্গলশিংদা থিরকপদা থা অসীগী ২৬ কি নুংদাং পূঙ ৯.২০ লোম তারকপদা অঙাঙ অহুম্মক তেক্ত-কায়দনা লৈরম্বা থেংনখি।
খূদক্তুদা অঙাঙ অমদি অমম্বগী খুদোংচাবা লৌরগা চেনখিবদগী খূদক্তা রেসক্যু তৌবা ঙমখিদে। অঙাঙ ২ দি কনবা ঙমখি। মাঙখিবা অঙাঙদু মখাতানা সেক্যুরিটি ফোর্স না জঙ্গলদা চত্তুনা থিনরক্লবা মতূঙদা ঙরাং অয়ূক চকপী তুরেল মনাক্তগী অশোয়- অঙাম য়াওদনা কনবা ঙমখি হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে