মনিপুরগী চীঙগী মফম অমদা শা -উচেক ফারগা লল্লোনবশিংনা য়োন্ননবা থৌরাং তৌদুনা লৈরম্বা, অমুবা শওম হায়রগা খঙনরবা হীমালায়ান ব্লেক বিয়র মচা অনী অরম্বাই তেঙ্গোলগী ১৮ শুবা য়ুনিটনা কল্লবা মতূঙদা মনিপুর জূলোজিকেল গার্দেনগী ওফিসিয়েলশিংদা খূৎশীন্নখ্রে।
খূৎশীন্নবগী থৌরমদুদা মনিপুর লৈঙাক্কি জূলোজিকেল গার্দেনগী ভেটিরিনারি ওফিসার দা.এল শরতচন্দ্র, রেঞ্জ ওফিসার,অমদি অরম্বাই তেঙ্গোল য়ুনিট ১৮ গী থৌমীশিং শরূক য়াখি।মমাগা কায়নরবা, অমুবা শওম মচা অনীদু মচীঞ্জাক চাবা থকপা হৈত্রিবা ফাওবা বোট্টল ফিদিং তৌবগা লোয়ননা ক্বারেন্তাইন তৌদুনা থমখিগনি হায়না দা.শরতচন্দ্রনা ফোঙদোকখি।
অতাঙবা শওম মখল অসীবু কনবিরবা মতূঙদা জূলোজিকেল গার্দেনদা শিন্নরকপগীদমক শরতচন্দ্রনা অরম্বাইগী থৌমিশিংবু থাগৎপা ফোংদোকখি।শওম মখল অসী ইন্দিয়াগী অৱাং নোংপোক লমদম, জম্মু অমসুং কশ্মিরগী উমংশিং, চাইনা, পাকিষ্টান,জাপান,মালেসিয়ানচিংবদা ফংই হায়নসু দা.শরতচন্দ্রনা ফোঙদোকখি।
You may also like
-
মীওই অহুম দেঙ্গী পোজিটিব ওইরে
-
লিয়াংমৈ নাগাগী নূপীশিংনা হোষ্টেজ তরুক থাদোক্নবা রেল্লি চৎখ্রে
-
মীরৈবাক্তগী লান্দারক্লফাও লৈঙাক্না য়েংদুনা লৈরি, আই আর বি নত্রগা মনিপুর রাইফলগী বট্টালিয়নশিং ঙমখৈ পরীংদা থম্মু: সি এস ওশিং
-
লূপ-৫ গী থৌমীশিংনা শীন্দুনা মীয়ামগী ৱাকৎ-মীফম পাঙথোকখ্রে
-
পন্দূনা লৈরকখিবা গারি ২৯৩ সেক্যুরিটিনা এস্কোর্ট তৌদুনা ইম্ফাল য়ৌরকখ্রে