মাইনোরিটি ষ্টূদেন্টস এসোসিয়েসন (এম এস এ) গী থৌমীশিংনা চৎলিবা থা অসীগী ২৬ তা মাইনোরিটি কাঙলূপশিংনা খুন্দারিবা মফমশিংদা লৈরিবা স্কুলশিংগী ফীভম কোয়না চত্তুনা য়েংশিনখ্রে।
য়েংশিন -খোঙচৎ অদূদা ইম্ফাল ইষ্ট দিষ্ট্রিক্টকি মনূঙচন্না য়াইরিপোক চাঙমদবিদা লৈরিবা কংলা উকোক অপ্পর প্রাইমারি স্কুলগী ফীভম কা হেন্না শোকচীল্লম্বা থেংনখ্রে।মসীগী মতাঙদা এম এস এগী চেরোল অমনা হায়, স্কুল অসী শাবা লোইখিবা চহী অহূম্লোম ফারবসু মহৈরোয়শিদা শিন্নদনা অমসুং শঙ্গাদনা লৈরম্বা থেংনবগা লোয়ননা লন্নাই মীওইগী য়ূম ওইনা শীজিন্নদুনা লৈরমখি।ঙানূ, য়েন, হামেঙনচিংবগী মকোন শেমজীন্দুনা য়াম্না অঙকপা ফীভম অমদা লৈরমখিবনি হায়রি।
লৈরম্লিবা মতৌ অসী এম এস এনা অকনবা মওংদা কন্দেম তৌই।মফম অসীদা লন্নাইগী য়ূম ওইনা থম্লিবা ষ্ট্রকচরশিংসি নুমিৎ নীনীগী মনূংদা লৌথোক্কদবনি অদূগা লোকেল এম এল এ অমদি লৈঙাক্কি মায়কৈদগী অথূবা মীৎয়েং চঙদুনা স্কুল অসী মহৈরোয়শিংদা খূৎশীন্নদুনা মহৈ তম্বা হৌবিয়ু হায়রক্লি।মসী তৌরক্ট্রবদি মখল মখা কয়াগী অকনবা খোঙজং চঙশিনগনি হায়না ফোঙদোরক্লি।
