হন্দক দিল্লিদা বেজ তৌবা পিপলস য়ুনিয়ন ফোর সিভিল লিবরটিজ (পি য়ু সি এল) কৌবা লূপ অমগী মিংদা ইন্দিপেন্দেন্ট পিপলস ট্রাইব্যুনেল হায়বা রিপোর্ট অমা ফোঙদোরক্লিবা অদূ কুকিশিংবু খম থেংনা শৌগত্তুনা মৈতৈশিংবু অরানবা তাহন্ননবা শরৌ শীন্নরগা থওইনা চত্থরকপা থোক লিলানি, মৱা লৌবা য়াবা রিপোর্ট নত্তে হায়না কোর্দিনেটিং কম্মিটি ওন মনিপুর ইন্টিগ্ৰিটি (কোকোমি) গী কোর্দিনেটর খূরাইজম অথৌবনা কন্না য়ানিংদবা ফোঙদোকখ্রে।
মহাক্না পাউমীশিংগা উনখিবা অমদা হায়, রিপোর্ট অদূ ট্রাইব্যুনেল রিপোর্ট অমা শুংনৎ নত্তে, কুকি- জো কাঙলূপকি য়ুনিয়ন টেরিটোরি অমা শেম্ননবা, সেপরেট এদমিনিষ্ট্রেসনগী য়ূম্ফম য়াৎপা ঙম্ননবা, মখোয়বু শৌগৎপা রিপোর্ট অমনি। মদূ কৈদৌনুংদা মায় পাকহল্লোই, মৈতৈনা হিংলিঙৈদা মপান্দগী চঙশীল্লকপা মীতোপশিংনা মনিপুরগী শক্তম থুগাইনবা হোৎনরকপা য়ারোই হায়খি।
হন্দক পুথোরক্লিবা রিপোর্ট অদূ মনিপুর থুগাইনবা শান্নরকপা থোক লিলা অমনি, হৌজিক থোক্লিবা, কুকিশিংনা হৌরক্লিবা হীঙশা অসীবু জষ্টিফাই তৌননবা শরৌ শীন্নরকপা ঈরাং শাগৎপা রিপোর্ট অমনি হায়না খূরায়জম অথৌবনা খম থেংনা অশাওবগা লোয়ননা য়ানিংদবা ফোঙদোকখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি