ঙরাং অয়ূক অঙনবা পূঙ ৪/৫ রোম তারকপা মতমদা ইম্ফাল ইষ্ট দিষ্ট্রিক্টকি লম্লাই কেন্দ্রগী মনূঙচন্না লৈরিবা শবুংখোক, শান্তিখোঙবাল, সবুংখোক খূনৌ মায়কৈদা খঙহৌদনা ঈশীং চেন্সিল্লকপদগী অঙকপা মওংদা মীয়াম্না ঈচাও মায়োক্নরগা লৈখ্রে। থৌওং অদুগী মতাংদা য়াইঙংপোকপী ভিল্লেজ কম্মিটিগী এসিষ্টেন্ট সেক্রেটরি থোকচোম অমুলনা ফোঙদোরকপগী মতূঙ ইন্না, কাংপোকপি দিষ্ট্রিক্টকি সাইকুল চীংফৈরোমদগী তুইচীঙ, ফাইমোল, মোনয়াং, চীঙফৈ ফাওরগা থম্নাপোকপী, সনাশাবিনচিংবা মায়কৈরোম তম্না চেন্সীল্লকখিবা য়াম্লবা ঈশীংনা মরম ওইরগা সবুংখোক খূনৌ, শান্তিখোঙবাল, সবুংখোক মায়কৈদা ঈশীং থূমজীন্দুনা চাউনা অমাঙ- অতাশিং মায়োক্নহল্লকখিবনি হায়খি।
খঙহৌদনা ঈশীং থূমজীন্দুনা লৈরম্বা অদুদা মায়কৈ অদোমগী খুঞ্জাশিং অঙকপা অমসুং অকিবা কয়া মায়োক্নরগা লৈরি। য়ূম অমসুং ঙায়োক ফার্ম কয়ামরুম ঈশীং ঈরোন্নুংদা লৈখ্রে অদূগা ঈখঙ খঙহৌদবা ঈচাও অদূদগী য়ূমগী পোৎ-চৈ থৈদোকহৌবসু অমত্তা নংহৌদ্রে হায়খি। চৈরকশিদা লম্লাই কেন্দ্রগী এম এল এ কে ঐচ ইবোমচানা ঈচাও মায়োক্নরগা লৈরিবা মফম শিংদা কোয়না চত্তুনা য়েংশিনখিবগা লোয়ননা ইম্ফাল ইষ্ট দিষ্ট্রিক্টকি দি সিদা ইন্সট্রক্সন পীদুনা খুদক্কি ওইনা রিলিফ অমসুং রেসক্যু ওপরেসনগী থবক পায়খৎননবা খঙহনখ্রে।
হন্দক্কি ঈচাও অসী কুকি- জো কাঙলূপ্না পাক-সন্না চীঙমায় কয়ামরুম কোকথোক্তুনা পোপি থাবগী থৌওং চত্থরকপা অসীনা থোকহল্লকপনি হায়না মায়কৈ কয়াদগী ফোঙদোক্নরক্লি।
You may also like
-
নোং মরক্তা সেন্সসকি মায়োক্তা প্রোটেষ্ট তৌরিঙৈ ত্যার গ্যাস কাপশীল্লকপদা খোঙজঙলোয় নূপী অহুম শোক্লে
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে