য়াওল্লূপ অমা ওইনা লৈরিবা পিপল্স রিভোল্যুসন্নরি পার্টী ওফ কংলৈপাক (প্রিপাক) লিংখৎখিবা চহী ৪৯ শুরকপগী কুম্মোন থৌরম ঙরাং মনিপুর অমসুং ষ্টেট অসীগী মপান্দা খুন্দা- লৈতাদুনা লৈরিবা মনিপুরিশিং য়াওনা য়েলহৌমী কাঙলূপ কয়ানা শরুক য়ারদুনা পাঙথোকখ্রে।
লূপ অসীগী সেন্ট্রেল হেদক্বারটর্স, জেনরেল হেদক্বার্টর্স, ৭০৭ মোবাইল বট্টালিয়ন, বেজ এরিয়া-১, ২, ৩অমসুং ৫, টেক্টিকেল হেদক্বার্তর, ট্রেনিং সেন্টরশিং অমসুং ট্রাঞ্জিৎ কেম্পনচিংবা মফমশিংদা কুম্মোন থৌরম অদূ মপূঙফানা পাঙথোকখি হায়রি।
লূপ অসীগী ইন্টরিম কাউন্সিলগী প্রসিদেন্ট না য়াওল্লোয়শিংদা থৌনা হন্দনবা, য়েলহৌমী পূম্নমক্কি য়াইফগদবা হীরমশিংদা মীৎয়েং থম্লগা থবক পায়খৎনবা পাউতাক পীখি হায়রি।
