সেন্টরনা লূপা ক্রোর ১৯৬.৬১ কায়থরক্লগা লৈখিবা মনিপুর পুলিসকি তোঙান তোঙানবা মখলগী গারি ৪৭৭, ঙরাং মনিপুরগী চিফ মিনিষ্টর য়ূম্নাম খেমচান্দনা, ষ্টেট লৈঙাক্কি হোম মিনিষ্টর গোবিন্দাস কোন্থৌজমগা লোয়ননা ফ্লেগ ওফ তৌদুনা পুলিস দিপার্টমেন্ট তা খূৎশীন্নখ্রে।
অহানবা মনিপুর রাফল্সকি পেরেদ গ্ৰাউন্দা গারিশিং অদূ লমথাবগী থৌরমদুদা চিফ মিনিষ্টরনা হায়, লমদমসিদা হৌজিক ওইরক্লিবা ফীভমশিং অসী লাকশীন্ননবা হোৎনরকপদা মনিপুর পুলিসকি মপাঙ্গল হেন্না কনখৎহন্দবা য়ারক্তে।মেনপৱার, ইক্বিপমেন্ট , অতৈ খূৎশু-খূৎলায়শিং মতমগা চানবা ওইহনবগী মথক্তা খ্বাইদগী অনৌবা টেক্নোলোজি শীজিন্নদুনা শেম-শারবা অফবা মখলগী খূৎলায়শিং মতীক চানা থম্বসু মথৌ তারকপনি। মোবিলিটিসু হান্নদগী হেঙ্গৎহন্ননবা মহাক্কি লৈঙাক অসীনা কন্না হোৎনরি হায়বা ৱাফম থমখি। পুলিস মোদর্নাইজেসন স্কিমগী মখাদা সেন্টরদগী ফন্দ না লৈবা গারিশিংনি। পুলিসকি মপাঙ্গল কনখৎহন্দ্রিমখৈ লমদমসিদা লো এন্দ ওর্দর নীংথীনা ঙাকপা ওইথোক্তে হায়না চিফ মিনিষ্টরনা মখা তানা ফোঙদোকখি।
পুলিস দিপার্টমেন্টকিদমক শীজীন্ননবা ঙরাং খূৎশীন্নখ্রবা গারিশিং অদুদি, হেরো মোটোরসাইকল ১০০, বোলেরো বি-সিক্স ৩৯, বোলেরো নিও ভেহিকল ৫০, টাটা যোদা ভেহিকল ৭৪, মাইন প্রোটেক্তেট ভেহিকল ১০, টেদ ট্রক ২০, টাটা ৪০৭ ভেহিকল ৩০, মহিন্দ্র বস ২০, মহিন্দ্র বুল্লেট রক্সক ৬০, ৱাটর টেঙ্কর ১৯, বোলেরো কেম্পর ৫০, ঐচ এম আর ভেহিকল ৫ নি।
You may also like
-
লৈঙাক-সাসনগী মথোঙ খঙদ্রবা, মপী-মপা পান্দ্রবা বি জে পিগী লাংদা মীয়াম পঙথবিরনু: তিলোতামা
-
নাগা মীচম ৬ কল্লু, নেমচাবু দিপ্যুটি সি এম ফমদগী লৌথোকউ হায়দুনা ফূরূপ কয়াগী মীয়াম্না প্রোটেষ্ট তৌখ্রে
-
মার্ক ৱাংনা ফংদুনা মায় পাক্লকখ্রবা মহৈরোয়শিংবু তরাম্না ওকখ্রে
-
এন ৱাই পি, মনিপুর ষ্টেট কাউন্সিলগী জেনরেল এসেমব্লী পাঙথোকখ্রে
-
চিফ মিনিষ্টরনা হৈরোক্তা শাগৎলিবা এম টি য়ূগী এক্সটেন্সন কেম্পস য়েংশিনখ্রে