মনিপুরদা নেস্নেল রেজিষ্টর ওফ সিটিজন্স (এন আর সি) গী থবক পায়খৎপা হায়বসি ষ্টেট লৈঙাক অমসুং মীয়াম, অনীমক্না য়ানরবা অমনি হায়না লৌবা য়ারে।য়ানদবা লৈরিবসী, সেন্সস মমাঙদা পাঙথোক্কদবনি হায়বা অমা, অদুগা সেন্সসকি মতূঙদা পায়খৎসি হায়বা অমগা, কাঙলূপ অনী থোকপদগী য়েৎনরিবা থৌওং অসীখক্তা ঙায়রে হায়না ১৪-সি এস ওগী কনভিনর নহাকপম সান্ত না ফোঙদোকখ্রে।
ঙরাং ইন্টর্নেস্নেল পিচ এন্দ সোসিয়েল এদভান্সমেন্ট (ইপসা) গী ওফিসতা পাউমীশিংগা উনবদা মহাক্না ৱাফম অসী ফোঙদোকখিবনি। সান্ত নখ হায়, এন আর সি পাঙথোক্নবগীদমক মাঙজৌননা ফ্রেমৱার্ক অমা শেম্বা তঙায়ফদে। কুমশিং ২০১১ দা পাঙথোকখিবা সেন্সসকি এন পি আর অদূ পুথোক্লগা ১৯৫১ গী এন আর সি অপদেট তৌবা হায়বসি য়াবা শুকঙম ঙম্লোইদবা ৱাফম্নি। এন আর সি পাঙথোকপদা য়েংশিনগদৌরিবসি হীরম অহুমদনি। মখোয় অহুম অদুদি, কুমশিং ১৯৫১ গী মমাঙদা ইন্দিয়াদা পোকপা মীওইরা হায়বসি য়েংগনি। অনীশুবদা, চহী অদুগী মমাঙদা, মীওই অদূ মপান লৈবাক্তা পোকখিবরা, অদুগা অহূমশুবদা, ফোরেন্নরগী ৱাফম অসীনি হায়খি।
আসামদা কুমশিং ১৯৮৩ দা এন আর সি পাঙথোকপগা মরী লৈননা ট্রিব্যুনেল অমা শেমখি অদূবু মদূ পোলিটিকেল ওইমনবদগী সুপ্রিম কোর্টনা কুমশিং ২০০৫ দা ককথৎখি। অতোপ্পা ট্রিব্যুনেল অমা শেম্লবা মতূঙদা এন আর সি পাঙথোকখি। অসামদা মীতোপ মশক খঙলবসু দিপোর্ট তৌবা ঙমদবগী থাক্তা অদুম্মক লৈরি।ঐখোয়গীসু মীতোপ খন্দোক্লবা মতূঙদা হোম গ্ৰাউন্দা কন্নেক্সন ঊৎপা ঙমদ্রবদি দিপোর্ট তৌননবা হোৎনবদা হোম কন্ট্রী অদুনা য়ারক্তবা মতমদা মখাতানা করি খোঙথাং লৌখৎকদগে হায়বদুসু খন্নবা তাবনি হায়না সান্ত না ফোঙদোকখি।
