ইম্ফাল ইষ্ট দিষ্ট্রিক্টকি মনুঙচন্না লৈরিবা নোংমাইচিং রেঞ্জগী কালিকা চীঙদোলদা হৌখিবা নুমিৎ হুম্নি চূপ্না পাক-সন্না লান্মৈ চাক্লকপদগী মনাক নকপা চীঙখোঙ-চীঙয়াদা খুন্দারিবা খুঞ্জাশিং কা হেন্না মিপাইনবদগী অহীঙ মশা- মশাগী য়ূমদা তূম্নদ্রে। হৌজিক সেন্ট্রেল ফোরেষ্ট দিবিজনগী কম্বাইন টিম অমসুং অরম্বাই তেঙ্গোল খেত্রিগাউ য়ুনিটনা খূৎশম্নরগা মৈ কনবগী থবক অকনবা মওংদা চত্থরি। হৌখিবা মার্চ ২৪ গী নুমিদাংদা নোংমাইচিং চীঙদোলদা লান্মৈ চাক্তুনা লৈরম্বা থৌদোক অদু মীয়াম্না থেংনরকপদগী সেন্ট্রেল ফোরেষ্ট দিবিজনগী কম্বাইন টিম অমসুং অরম্বাই তেঙ্গোল খেত্রিগাউ য়ুনিটনা খূৎশম্নরগা মৈ কনবগী থবক চত্থদুনা, অহীঙ-নুংথিল অনীদা থবক পায়খত্তুনা লাক্লি।
ফোরেষ্ট দিবিজনগী পার্সনেল অমদি অরম্বাই তেঙ্গোলগী থৌমী কয়াসু মৈ কনবগী থবক চত্থবদা অশোক- অপন কয়া য়াওরে হায়রি। সেন্ট্রেল ফোরেষ্ট দিবিজনগী অনৌবা টিম অমসু ঙরাং অয়ূক রি-ইনফোর্স তৌদুনা চঙশীনখিবগা লোয়ননা মখাতানা মৈ কনবগী থবক চত্থবদা হৌজিক ফাওবগী ওইনদি মৈ মূত্থৎপা ঙমদনা লৈরি। সেন্ট্রেল ফোরেষ্ট দিবিজনগী দি এফ ও না লুচিংদুনা অহীঙ য়ারেক্তুনা মৈ কনবগী থবক চত্থরগা লৈরি।
জে সি বিনচিংবা শীজীন্নরগা ফায়র লাইন মৈরম লৌদুনা, পাক-সন্না চাক্লক্লিবা লান্মৈ অদূ অতৈ মফমশিংদা শন্দোরক্তনবা অকনবা থৌরাং লৌখৎলি। মালেমগী অতৈ মফমদা ফংদ্রবা লম্লক্কি মেদিসিনেল প্লান্টশিং, শা-উচেক কয়ামরুম লান্মৈ চাক্লকখিবা অসিদা মাঙখ্রে হায়রি।
You may also like
-
কাপিল সিবালনা সেন্টরবু অকনবা মওংদা মরাল শীখ্রে
-
মৈতৈশিংনা থাংজিং চীঙগী লাইফমদা লাই খুরুম্বা চঙবদা ঙাকপী শেনবিনবা নিংথৌ সনাজাউবনা সেন্টরগী মীৎয়েং চিংশিনখ্রে
-
অসাম রাইফলসনা মনিপু্রদা মখাতাতানা মেদিকেল কেম্প পাঙথোকখ্রে
-
রেদিও-টেগ তৌখিবা চ্যুলুৱান- ২ সাইবেরিয়া তম্লক্লি
-
ৱেষ্ট বেঙ্গলগী বোর্দর দিষ্ট্রিক্ট মরি দিষ্টর্ব এরিয়ানি হায়না লাউথোক্ননবা বি জে পিগী পুরুলিয়া এম পি না