ইস্লাম লাইনিং চৎপা মৈতৈ-পাঙলশিংগী শেংলবা অমসুং খ্বায়দগী মতীক-মগুন চাউরবা রমজান থা না লাকপসিদা ঈরমদম মনিপুরদা মহৌশাগী ঈঙ-তপ্পা, নুংশিনবা অমদি কাঙলূপ মশেল মরক্তা অচেৎপা নুংশিবগী মরী চেৎশীলহনবা ওইরশনু হায়না মনিপুর ফেদরেল ওরগনাইজেসন ( এম এফ ও) গী মায়কৈদগী ফোঙদোরক্লি।
ওরগনাইজেসন অসীগী প্রসিদেন্ট বোবোই কোরীময়ূম্না খূৎয়েক পীদুনা থাদোরকপা প্রেস ষ্টেটমেন্ট অমদা ৱাফম অসী ফোঙদোরকপনি। ওরগনাইজেসন অসিনা শাফোঙলকপদগী ঙসিফাওবদা রমজান থা অমসুং অতৈ মতমশিংদা লায়রবা, খুদোংচাদ্রবা লুখ্রাবি, মমা-মপা লৈজদ্রবশিংগী য়ূমথোঙশিংদা কোয়না চত্তুনা ঙমজবা তেঙবাং পোৎলমশিং কচ্চদুনা লাক্লি। মসীগী শরুক অমা ওইনা ইম্ফাল ইষ্ট দিষ্ট্রিক্ট কি কায়রং খোমিদোক এরিয়াদা লৈরিবা লায়রবা ঈমূঙশিংদা কোয়না চত্তুনা ঙমজবা তেঙবাং পোৎলমশিং ঙরাং পীখ্রে হায়রি।
রমজান থাবূম অসীনা লাকপগা লোয়ননা য়েলহৌঙৈদগী নুংশি-চান্ননা, অৱা- নুঙাই অনীমক্তা পূন্না শরূক য়ামিন্নদুনা লাক্লবা মৈতৈ- পাঙল অমসুং মৈতৈ অনীগী মরী হেন্না চেৎশীলহনবা ঙম্বা ওইরসনু হায়রক্লি। থায়না নিংথৌ লৈঙাক লৈরিঙৈ মতমদগী হৌনা মৈতৈ- পাঙলশিং অসী লাল্লুপ কাদুনা লৈরকখিবনি। লৈপাক মনূঙ অমসুং মপান্দগী লাকপা শীঙনবশিং মৈতৈ- পাঙলশিংনা মেজোরিটি মৈতৈ ঈচিল ঈনাওশিংগা পূন্না থেংনমিন্নদুনা লাক্লি হায়রক্লি।
You may also like
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং