নোং তাবা লেপখিবদগী ঈচাওগী ফীভম খরা হন্থরক্লে, চীঙগী মফম খরদদি পারপ তৌনা নোং হৈথরি

হৌখিবা নুমীৎ নীনীগী মতমসিদা মনিপুরদা অকনবা নোং তাবা লেপখিবদগী হৌজিক মরূওইবা তুরেলশিংদা লৈরম্বা ঈচাওগী ঈমায়শিং তপ্না তপ্না হন্থবা হৌরক্লে, মীয়াম অৱা- পোত্থাবগী স্বর হোন্দোক্নবা হৌরে। চীঙগী মফম খরদদি হৌজিকসু পারপ তৌনা নোং তারি, অদূম ওইনমক তম্পাক্কি মফমশিংদদি হৌখিবা নুমীৎ নীনি অসিদা নোং তাবা লেপখিবদগী খরমখৈ শাফরে। ঈরম-খোংলমশিংদা তূঙদূনা লৈবা নোংগী ঈশীঙ চেন্সীল্লকপদগী মফম খরদদি হৌজিকসু ঈশীঙ নৌনা থূমজিল্লকপা য়াওরি।

হন্দক্কি ঈচাও মনূঙদা চীঙগী তোঙান তোঙানবা মফম ১০২ দা লেন্দস্লাইদ থোকখি। মনিপুর পূম্বগী ওইনা মীওই ১,৬৪,৮৭৯ ঈচাওগী চৈথেঙ মায়োক্নরগা লৈখি। ঈশীঙগী ঈচেলনা চেন্থখিবদগী মীওই অমা শিখি। তোঙান তোঙানবা মফম ৬৩৪ দা ঈচাও অদূগী অৱাবা চৈথেঙ নংখি। ইম্ফাল ইষ্ট দিষ্ট্রিক্টকি দি সি ওফিস, এস পিগী ওফিস, জেনিমস কমপ্লেক্সনচিংবা মফমশিং য়াওনা চৈথেঙ মায়োক্ন খিবগা লোয়ননা দিষ্ট্রিক্ট অসীনা হন্দক্কি ঈচাও অদূগী অৱাবা চৈথেঙ খ্বায়দগী হেন্না মায়োক্ন খি। য়ূম ৩৫,১৯৩ মনিপুর পূম্বগী ওইনা মাঙ-তাকহনখি। লৌ পরী ৮২,৭৮০ দা ঈচাওগী চৈথেঙ নংখিবগা লোয়ননা মফমশিং অদূদা থাবা মনা-মশীঙ, মহৈ-মরোং তুম্না মাঙহন-তাকহনখি।

য়ূমদা য়োকপা শা-শন ৬৪ শিখি। ঈচাওগী কা হেনবা চৈথেঙ নংলবা মীওই ৩,৯১৭ রেসক্যু তৌখিবগা লোয়ননা Chand কেম্প ৭৭ হাংদোকখি। লৈঙাক্কি তোঙান তোঙানবা ইনফ্রাষ্ট্রকচর ৫০ অমাঙ- অতা নংখি।ঈচাওগী  অৱাবা মায়োক্নরদুনা, ময়ূম-মকৈনচিংবা মাঙ-তাকখ্রবশিং হৌজিকসু রিলিফ কেম্পশিংদা চঙজফম লৌদূনা লৈনরি। দিষ্ট্রিক্ট এদমিনিষ্ট্রেসনশিংগী মায়কৈদগী রিলিফ মেটরিয়েলশিং চাং নাইনা য়েন্থোকপগী থবক-থৌরমশিং লৌখৎলি।