নেস্নেল ইন্সটিট্যুট ওফ টেক্নোলোজি (এন আই টি) মনিপুর নৌনা শাগৎনবা চপচাবা মফম অমা পীনবা ককচিং এসেমব্লি কনস্তিত্যুএন্সিগী এম এল এ ময়াংলম্বম রামেশ্বরনা প্রোসেস তৌদুনা হোৎনরি হায়না চিফ মিনিস্টর য়ূম্নাম খেমচান্দনা ফোঙদোকখ্রে।
ঙরাং ইম্ফাল ইষ্ট দিষ্ট্রিক্টকি মনূঙচন্না পেলেস কম্পাউন্দদা লৈরিবা সীটী কনভেন্সন সেন্তরদা পাঙথোকখিবা এন আই টি মনিপুরগী ১৩ রক শুবা এন্নুৱেল কনভোকেসন থৌরমদা অথোয়বা মীথূঙলেন ওইনা শরূক য়ারদুনা ৱা ঙাঙবদা চিফ মিনিষ্টরনা ৱাফম অসী ফোঙদোকখিবনি। মহাক্না হায়, এন আই টি মনিপুরনা ষ্টেট অসীগী অমদি লৈবাক্কি ওইনা চাওখৎ থৌরাংগী থবক থৌরমশিংদা অচৌবা থৌদাং লৌরিবনি। হন্দক লমশাং এসেমব্লি কনস্তিত্যুএন্সিগী সলামদা শাবা দিষ্ট্রিক্ট ইন্সটিট্যুট ওফ ইদুকেসন এন্দ ট্রেনিং (দাইট) কি কোল্লেজ অমা শঙ্গাবা চৎলুবা মতমদা এন আই টিগী মহৈরোয়শিং মফম অদূদা লাক্তুনা মহৈ-মশিন তাকপী-তম্বীরি হায়না দাইটকি দিরেক্টরনা ফোঙদোরকখি। মদূ তাবদা অপেনবা পোকই হায়বা ৱাফম চিফ মিনিষ্টরনা থমখি।
ঙরাংগী কনভোকেসন থৌরম অদুদা মহৈরোয় ২৯৯ দা দিগ্ৰী সার্টিফিকেটশিংসু য়েন্থোকখি। এন আই টিগী মহৈরোয়শিংনা লৌরিবা থৌদাং অসি য়াম্না চাউই। প্রাইম মিনিষ্টর নরেন্দ্র মোদিগী মীৎয়েং মখাদা লৌখৎলক্লিবা ভিক্সিট ভারত ২০৪৭ গী খোঙথাংশিং অসী মায় পাকহন্নবগী অচৌবা মচাক অমা মসীনা ওইরগনি হায়না থৌরমদুদা চিফ মিনিষ্টরনা ফোঙদোকখি।
You may also like
-
সোর্ট ফীল্ম “দি টোই ষ্টোরি” খল্লক্লে
-
লোক্তাক দাউনষ্ট্রিম পৱার প্রোজেক্ট মূত্থৎনবা ৱারেপ লৌখ্রে
-
অন্দ্রো কেন্দ্র শেমগৎনবা এম এল এ শ্যামকুমারদা ক্রোর ১০ পীরগনি: চিফ মিনিষ্টর
-
মোইরাংপুরেল সি ঐচ সিদা লায়েঙবগী টিকেট মমল লন্নাই হোস্পিটালদগী হেল্লম্লে : পুয়া
-
মনিপুরদা দেঙ্গী লায়নাগী পোজিটিব কেস মশীং হেঙ্গৎলক্লি