নিষান মোটোর ইন্দিয়ানা কম্পেনি অসীগী প্রদক্ট ওফেন্সিপ থৌরাংগী মখাদা খ্বাইদগী অনৌবা গ্ৰেভাইট এমপিভি মখল অমা লোঞ্চ তৌখ্রে ।
গারি অসীগী এক্স-সো রুমগী মমলনা লূপা লাখ ৫.৬৫ ওইরি। কম্পেনী অসিনা চত্থরক্লিবা ইন্দিয়া গ্ৰোথ ষ্ট্রেটেজিদা থৌওং অসীনা অনৌবা খোঙথাঙ অমা চঙশীনবা ঙমখ্রে।গারি মখল অসী নিষান কম্পেনিগী চেন্নাই ফেসিলিটিদা লোকেল ওইনা শাজবা প্রদক্টনি।
সিট তরেট য়াওরিবা এম পি ভি অসী ইন্দিয়াগী কঞ্জুমরশিংগী অপাম্বা মওং-মতৌশিং নৈনরগা পুথোকপনি।ভেল্যু-দ্রাইভন ফেমিলি মোবিলিটিদা অয়াম্বা মীৎয়েং থম্লগা পুথোকপনি। মীওই আনীদগী তরেৎফাওবা তোংবা য়ারবা অমসুং কিলোগ্ৰাম ৬২৫ ফাওবা লূম্বা লগ্গেজ কেপাসিটি পুবা ঙম্বা গারি অসিগী ফ্লেক্সিবল ওইবা সিট্টিং কনফিগ্যুরেসনগা লোয়ননা ষ্টেন্দর্দ সেফটি ফিচর ৩০ হেন্না হাপ্লি।এয়রবেগ তরুক য়াওরি অদুগা ইলেকত্রোনিক ষ্টেবিলিটি কন্ট্রোল, ট্রেক্সন কন্ট্রোল, হীল-ষ্টার্ট এসিষ্ট, ব্রেক এসিষ্ট নচিংবা য়াওরি।গারি অসি পেট্রোল লিটর ১.০ গী ইঞ্জিন না পৱার পীরি অদুগা মেন্যুয়েল অমসুং এ এম টি ট্রান্সমিসনশিং হাপ্লি।
মসীগী ফ্যুয়ল ইফিসিয়েন্সি অসী লিটর অমনা কিলোমিটর ১৯.৬ ফাওবা থৌবা য়াই হায়রি।গারি অসি তোঙান-তোঙানবা মচু মঙাদা ফংলি। নিষান কম্পেনি না মসীগী দিলর নেটৱার্ক অসী টায়র ৱান অমসুং টায়র টু সিটীশিংদা লৈরিবা মীয়ামদা পাক-সন্না ফংহন্ননবা থৌরাং পায়খৎলক্লি।
থৌওং অসি কষ্টমরশিংদা অরায়বা মওংদা ফংহন্নবা হোৎনরকপা খোঙথাঙনি হায়রি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি