ইন্নর মনিপুর পারলিয়ামেন্টরি কন্সটিট্যুয়েন্সিগী এম পি দা. অঙোমচা বিমোল অকোয়জম্না ঙরাং ইন্দিয়ন রেদ ক্রোস সোসাইটি ( আই আর সি এস) মনিপুর ষ্টেট ব্রাঞ্চকি খূত্থাঙদা এম্বুলেন্স ৭ খূৎশীন্নখ্রে।মীয়াম্না নেস্নেল হায়ৱে পরীংদা চত্থোক- চৎশীন তৌবদা এক্সিদেন্ট মায়োক্নরকপা অমসুং নেচরেল দিজাষ্টরনচিংবা থোক্লকপদা খূদক্কি ওইবা মতেং পাংননবগীদমক এম পি অসীনা মনিপুর তম্পাক্কি দিষ্ট্রিক্টশিং- ইম্ফাল ৱেষ্ট, ইম্ফাল ইষ্ট, থৌবাল, বিষ্ণুপুর নচিংবদা লৈরিবা আই আর সি এস কি দিষ্ট্রিক্ট ব্রাঞ্চশিংদা য়ৌহনখিনবা আই আর সি এস, মনিপুর ষ্টেট ব্রাঞ্চকি খূত্থাঙদা এম্বুলেন্সশিং অদূ খূৎশীন্নখিবনি।
এম্বুলেন্সশিং খূৎশীন্নখিবা থৌরম অদূদা ইন্নরগী এম পি বিমোল, রিটয়ার্দ আই এ এস ওফিসার দা. আর কে নিমাই, ইম্ফাল ৱেষ্ট দিষ্ট্রিক্টকি দিপ্যুটি কম্মিস্নার ময়াংলম্বম রাজকুমার, ইম্ফাল ইষ্ট দিষ্ট্রিক্টকি এসি টূ দিসি ওইনা লৈরিবা ৱাই শের সিংহ অমসুং বিষ্ণুপুরগী দিসি পুজা এলাংবমনা মথঙশীৎনা অথোয়বা মীথূঙলেন, থৌরম মপূ অমদি ঈকায়খুম্নরবা মীথূংশিং ওইনা শরূক য়াখি।
নাকল অমরোমদা, এম পি বিমোলনা পারলিয়ামেন্টকি এম পি ওইনা ৱাশক লৌখিবা চহী অমা মপূঙ ফারকগা মরী লৈননা ইম্ফাল ইষ্ট দিষ্ট্রিক্ট কি মনূঙচন্না লৈরিবা আরাপ্তি মনীং লৈকায়দা লৈবা কম্যুনিটি হোলদা নোংমগী ওইবা দেন্টেল কেম্প অমসুং আয়ুসমান ভারত হেল্থ এক্কাউন্ট কার্দ ( আভা) গী মতাংদা এৱের্নেস কেম্প অমসু পাঙথোকখি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে