মনিপুরদা এন আর সি অপদেট তৌদ্রিঙৈ মমাঙদা সেন্সসকি থবক-থৌরম অমত্তা চত্থবা য়ারোই হায়দুনা লৈকায় লৈকায় খূদীঙদা সেন্সসকি থবক খূদীঙমক অথীংবা থম্নরক্লি।
মসীগী শরূক অমা ওইনা ইম্ফাল ইষ্ট দিষ্ট্রিক্টকি কৈরাউ এসেমব্লি কন্সটিট্যুয়েন্সিগী মনূঙচন্না লৈরিবা লংদূম কৈরাউ মায়কৈদসু সেন্সসকি থবক-থৌরম পূম্নমক খূদক্তগী অথিংবা থম্লে হায়না কো-ওর্দিনেটীং কম্মিটি ওফ ক্লব্স এন্দ ওর্গানাইজেসন (কোকোকো) না লাউথোকখ্রে। ইম্ফাল ইষ্ট দিষ্ট্রিক্টকি মনূঙচন্না লৈরিবা লংদূম মনীঙ লৈকায় কাঙজৈবূঙদা লৈবা কোকোকোগী ময়ায় লোয়শঙদা পাঙথোকখিবা পাঊমীশিংগা উনবা থৌরমদা লূপ অসীগী প্রসিদেন্ট শমজেৎশাবম মেঘচন্দ্রনা ৱাফম অসী ফোঙদোকখিবনি।
লূপ অসীনা কোল্লিবা কৈরাউ বিত্র, লংদূম, খন্নরোক, চনম শন্দ্রোক, ৱাঙ্খেম, থীয়াম কোঞ্জিল, ফূনাল মরিং, উরান চীরূ, ৱাইথৌ চীরূ, লাইফরোক মরিং, অৱাং মরিং অমসুং করপুর শুংবা ভিল্লেজদা লৈরিবা লৈঙাক্কি এমপ্লোয়িশিংনা সেন্সসকি ইন্যুমরেটর নত্রগা সুপরভাইজরগী থবক তৌরকপা য়ারোই হায়না অথিংবা থমখি। করিগুম্বা মীয়ামগী অনীঙবা অপাম্বগী মায়োক্তা থবক তৌরক্লবদি মীয়াম্না পীবা চৈরাকশিং হরাওনা লৌশিনগদবনি হায়না মেঘচন্দ্রনা মখা তাখি।
জে এফ দি অমদি মসীগী নূপীগী ৱিং নত্রগা মহৈরোয়শিংগী কাঙবূনা সেন্সসকি মায়োক্তা লৌখৎলকপা থবক-থৌরম খূদীঙদা কোকোকোনা মপূঙফানা শৌগৎকনি হায়না মহাক্না থমখি।
You may also like
-
জে এফ দিনা মীহূৎশিংদা ৱাহং-খোঙচৎ হৌখ্রে
-
অচুম্বা য়ুমফম লৈতে’ মণিপুরদা সেন্সসকী মমাংদা এন.আর.সি. পাংথোক্নবা তকশিনবদা কুকি কাংলুপশিংনা য়াখিদ্রে
-
এফ আই আর কয়ারক পানগে হায়বনো পানবিয়ু, এন আর সি থবক্তা ওন্থোক্ট্রিফাও শিরবসু খোঙজঙদি হল্লোই: জিতেন্দ্র
-
চহী অহুমগী মতূঙদা ইম্ফাল-দিমাপুর বস সার্বিস ঙরাংদগী হৌখ্রে
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং