ইম্ফাল ইষ্ট দিষ্ট্রিক্টকি মনূঙচন্না নোংসুম এরিয়াদা লৈরম্বা পাম্বৈনা লুচিংবা কাদরশিং অদু মশীঙ য়াম্লবা সেক্যুরিটি ফোর্সেস চঙশীল্লক্তুনা পুথোকখ্রে। মীয়াম্না অকনবা মওংদা মদূগী মায়োক্তা খোঙজঙ চঙশীন্দুনা খোল্লাউ কয়া লাউখ্রে। সেন্ট্রেল সেক্যুরিটি ফোর্সনা মীয়ামগী প্রোটেষ্ট অদূ নমখায়রদুনা এম পি এগী কাদরশিং অদু পুদুনা চৎখি।
ঙরাং অয়ূক পূঙ ৮ লোম তাবদা নোংসুম এরিয়াগী লম্বীশিং অমসুং মনাক নকপদা লৈরিবা লম্বীশীং থিংজিন্দুনা, মীয়াম্না এম পি এগী পাম্বৈনা লুচিংবা কাদরশিং মফম অদুদগী পুথোকখিবা য়ারোই হায়দুনা সেক্যুরিটি ফোর্সকি গারিশিং চত্তনবা লম্বীদা অচৌবা উ কয়ামরুম ফৈজিন্দুনা অমদি ফত্ত-হৌদীশিং চাইথোক্তুনা থমখি।
অদূম ওইনমক সেন্ট্রেল সেক্যুরিটি ফোর্সেস না মীয়ামগী অথিংবা কয়াদু নমখায়রদুনা কাদরশিং অদূ পুদুনা চৎখি। মীয়াম অমসুং সেক্যুরিটি ফোর্স অনীগী মরক্তা য়াম্না কন্না মূক্নরকখিবা অদুদা সেক্যুরিটি ফোর্সনা টিয়র গ্যাস কাপ্পদা অহল ওইরবী ঈমা মঙা ৱান্থরকপদগী মীয়াম্না মনাক নকপা মেদিকেল ফেসিলিটিদা পুখত্তুনা লায়কন্নখি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে