মনিপুরদা লৈমিন্নরিবা কাঙলূপশিংগী মরক্তা চঙথোক-চঙশীন তৌনবা য়াহন্দ্রিবা ফীভম অসী কনাননো হায়বদু থিদোক্তুনা ৱাখল তামিন্নবা মথৌ তাই।লৈঙাক অসীনা হৌখিবা চহী অহূম্লোমগী মতমসিদা, কাঙলূপ মশেল য়েংথীনদুনা লাক্লিবসি চান্ন-চিন্ননা লৈহনবা ঙমদ্রে।ষ্টেট লৈঙাক অসী মীয়ামগী থবক তৌবা হৈত্রে।মরম অদুনা মহাক মশামক্না মনিপুরগী য়েলহৌমী কাঙলূপশিং নুংশি -চাননা, থম্মোয় তিন্ননা,অমত্তা ওইনা মহৌশাগুম লৈমিন্ননবা পিছ কেম্পেইন চত্থবা হৌরে হায়না ট্রান্সজেন্দর এক্টিভিষ্ট মালেম থোঙাম্না ফোঙদোকখ্রে।
থৱায় মিরেলগী মৈরা পায়বীশিং য়াওনা পাউমীশিংগা উনবদা মহাক্না ৱাফম অসী ফোঙদোকখিবনি। কাঙলূপশিংগী মরক্তা অমত্তা ওইনা নুংশি-চান্ননা লৈমিন্নবা য়াননবা মহাক্না লমদমসিগী মীয়ামগী মতেংগা লোয়ননা পিছ কেম্পেইন চত্থবা হৌরে হায়না পাউমীশিংদা ফোঙদোকখি। হন্দক চান্দেলদা মহাক্না চত্থখিবা পিছ কেম্পেইন অমা ষ্টেট লৈঙাক্না অথীংবা পীরকপদগী মপূঙ ফানা চত্থবা ঙমখিদ্রে।মখা তানা চুরাচান্দপুরদা, মার্চ ৩১ ফাওবগী মনুংদা, নুমিৎ অমদা হেক্তা পিছ কেম্পেইন পাঙথোক্নবা শেম-শাবা লোইরে হায়না মহাক্না ফোঙদোকখি।
কেম্পেইন অসীগী অয়াবা পীবিনবা লৈঙাক্তা নুমিৎ ১৫ নিগী মতম পীদুনা হায়জখ্রবসু নুমীৎ ১০ নি শুরক্লবা মতম অসীফাওবা রেস্পোন্স অমতা লাক্ট্রি।লৈঙাক্না য়ারবসু য়াদ্রবসু কেম্পেনদি লেপখিবা মতমদা অদুম্মক পাংথোক্কনি। মনিপুরগী দিষ্ট্রিক্ট ১৬ শীনবা থুংনা মহাক্কী কেম্পেন পাঙথোক্কনি হায়না মালেম থোঙাম্না মখা তাখি।
You may also like
-
মীচমগী য়ূমদা বোম লংশিনবা য়ানীংদে হায়বগী ৱাকৎ মীফম চত্থখ্রে
-
আই দি পিশিং মশাগী খুঙ্গংশিংদা হঞ্জিলহন্নবগী মতাঙদা লৈঙাক্কি মীফম পাঙথোকখ্রে
-
চিফ মিনিষ্টর য়ূম্নাম খেমচান্দ ঙরাং গুৱাহাটি দা থুংখ্রে, দিপ্যুটি সি এম অনীসু লোয়নরি
-
ৱাটর সপ্লাই স্কিম অথূবদা লোইশিন্দুনা মীয়ামদা থক্নবা ঈশীং ফংহন্দ্রবদি অকনবা খোঙজঙ চঙশীল্লগনি: এএয়ু
-
থবক কন্না শুদুনা, ঐখোয় মশেল মতেঙ পাংনদুনা পূন্না হিংমিন্নসি : তোম্বা